بلوچستان میں سیکیورٹی فورسز کی کارروائی، تین دہشت گرد ہلاک

سکیورٹی فورسز کا آپریشن

راولپنڈی(ڈیلی پاکستان آن لائن) بلوچستان کے ضلع کیچ کے علاقے تربت میں سکیورٹی فورسز کے آپریشن میں 3 دہشت گرد ہلاک ہوگئے۔

یہ بھی پڑھیں: گوادر سے 3 مختلف اطراف سے ریل گاڑیاں بھی چلیں گی جو ایران، افغانستان اور چین سے جا ملیں گی، تعلقات بہتر ہو گئے تو بھارت بھی شامل ہو جائیگا۔

انٹیلیجنس بیسڈ کارروائی

آئی ایس پی آر کے مطابق سکیورٹی فورسز نے تربت میں انٹیلیجنس بیسڈ آپریشن کیا، یہ کارروائی دہشت گردوں کی موجودگی کی اطلاع پر کی گئی۔

یہ بھی پڑھیں: سیلاب بحالی پروگرام 2025ء کا باقاعدہ افتتاح، دیپال پور میں 500 سیلاب متاثرین کو ایک ہی دن میں 9 کروڑ 60 لاکھ جاری

دہشت گردوں کا صفایا

آئی ایس پی آر کے مطابق سکیورٹی فورسز نے مؤثر طریقے سے دہشت گردوں کے ٹھکانے کو نشانہ بنایا۔ شدید فائرنگ کے تبادلے کے بعد 3 دہشت گردوں کو ہلاک کردیا گیا۔ مارے گئے دہشت گردوں سے اسلحہ، گولہ بارود اور دھماکا خیز مواد برآمد ہوا۔

یہ بھی پڑھیں: سپریم کورٹ نے طلاق یافتہ بیٹی کو والد کی پینشن شادی کی حیثیت سے نہیں بلکہ حق کی بنیاد پر دینے کا فیصلہ جاری کردیا

دہشت گردوں کے ماضی کے جرائم

آئی ایس پی آر کا کہنا ہے کہ ہلاک دہشت گرد قانون نافذ کرنے والے اداروں اور شہریوں کے خلاف متعدد کارروائیوں میں ملوث تھے۔

کلیئرنس آپریشن جاری

علاقے میں موجود کسی بھی دوسرے دہشت گرد کی موجودگی کے پیش نظر کلیئرنس آپریشن جاری ہے۔ آئی ایس پی آر کا کہنا ہے کہ سکیورٹی فورسز بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں۔