اقوام متحدہ کے سیکریٹری جنرل اور وزیر اعظم کا جنوبی ایشیا کی حالیہ صورتحال پر ٹیلیفونک رابطہ

ٹیلیفونک گفتگو

اسلام آباد ( ڈیلی پاکستان آن لائن )اقوام متحدہ کے سیکریٹری جنرل انتونیو گوتریس اور وزیر اعظم شہباز شریف کی جنوبی ایشیا کی حالیہ صورتحال پر ٹیلیفونک گفتگو ہوئی ہے۔

یہ بھی پڑھیں: قومی اسمبلی کا اجلاس آج ہو گا 23 نکاتی ایجنڈا جاری

پاکستان کا موقف

"جنگ " کے مطابق وزیر اعظم شہباز شریف نے سیکرٹری جنرل اقوام متحدہ سے ٹیلیفونک رابطے میں بات کرتے ہوئے کہا کہ پاکستان ہر قسم کی دہشت گردی کی مذمت کرتا ہے۔ انہوں نے مزید کہا کہ پاکستان پر بھارتی الزامات بے بنیاد ہیں اور پاکستان نے پہلگام واقعے کی غیر جانبدارانہ تحقیقات کا مطالبہ کیا ہے۔

وزیر اعظم نے یہ بھی وضاحت کی کہ کسی بھی مہم جوئی کی صورت میں پاکستان اپنی سالمیت کا دفاع کرے گا، اور سندھ طاس معاہدے سے متعلق بھارتی غیر ذمہ دارانہ اقدامات ناقابل قبول ہیں۔ سندھ طاس کا پانی 24 کروڑ لوگوں کی لائف لائن ہے، اور یو این سیکرٹری جنرل کو بھارت کو ذمہ داری اور تحمل سے کام لینے کا مشورہ دینا چاہیے۔

یہ بھی پڑھیں: مرد کے دوسرے، تیسرے یا چوتھے نکاح پر شریعت میں کوئی قدغن نہیں،اسلامی نظریاتی کونسل

جموں و کشمیر کا مسئلہ

وزیر اعظم شہباز شریف نے کہا کہ جموں و کشمیر کا حل طلب مسئلہ جنوبی ایشیاء میں عدم استحکام کی بنیادی وجہ ہے، اور انہوں نے سیکرٹری جنرل سے درخواست کی کہ وہ مسئلہ کشمیر کے منصفانہ حل کے لیے کردار ادا کریں۔

یہ بھی پڑھیں: کیا مجھے ریویو لینا چاہئیے ؟، رضوان اور زیمپا کی گفتگو سوشل میڈیا پر وائرل

پاکستان کا عزم

سرکاری اعلامیہ کے مطابق، وزیراعظم نے عالمی اور سلامتی کے فروغ کے لیے پاکستان کے غیر متزلزل عزم کا اعادہ کیا۔

سیکرٹری جنرل کی رائے

سیکرٹری جنرل اقوام متحدہ نے جنوبی ایشیاء میں امن کے لیے پاکستان کی کوششوں کو سراہا اور کہا کہ دنیا اس اہم وقت میں خطے میں کسی قسم کی کشیدگی کی متحمل نہیں ہو سکتی۔