لاہور ہائیکورٹ ؛سپریم کورٹ کے مخصوص نشستوں کے فیصلے پر عملدرآمد کیلئے الیکشن کمیشن کو نوٹس جاری

لاہور ہائیکورٹ کا فیصلہ

لاہور(ڈیلی پاکستان آن لائن) لاہور ہائیکورٹ نے سپریم کورٹ کے مخصوص نشستوں کے فیصلے پر عملدرآمد کے لئے الیکشن کمیشن کو نوٹس جاری کر دیا۔

یہ بھی پڑھیں: سٹاک ایکسچینج میں ایک اور ریکارڈ قائم،100انڈیکس 1لاکھ 5ہزار پوائنٹس کی سطح عبور کرگیا

عدالت کی سماعت

نجی ٹی وی سما نیوز کے مطابق لاہور ہائیکورٹ میں سپریم کورٹ کے مخصوص نشستوں کے فیصلے پر عملدرآمد کے لئے درخواست پر سماعت ہوئی، جسٹس خالد اسحاق نے شہری منیر احمد کی درخواست پر سماعت کی۔ درخواست گزار وکیل نے کہا کہ سپریم کورٹ کے فیصلوں پر عملدرآمد نہیں ہو رہا، اور مخصوص نشستوں کے فیصلے پر تاحال عملدرآمد نہیں کیا گیا۔ عدالت سے استدعا کی گئی کہ پی ٹی آئی کو مخصوص نشستیں دینے کا حکم دیا جائے۔

یہ بھی پڑھیں: کراچی، نیشنل ہائی وے وکلا احتجاج، مظاہرین پر بلٹ پروف جیکٹس، واکی ٹاکی، گیس شیلز چوری کے مقدمات درج

وکیل کی استدعا

وکیل درخواست گزار نے مزید استدعا کی کہ صدر اور وزیراعظم کو فریقین کی لسٹ سے نکال دیا جائے۔ عدالت نے پی ٹی آئی کو مخصوص نشستوں کے فیصلے پر عملدرآمد کرانے کا حکم دینے کی درخواست پر غور کیا۔