بہن پر تشدد کیوں کیا؟ سالے نے ڈنڈے برسا کر بہنوئی کو جان سے مار دیا

قتل کا خوفناک واقعہ

کراچی(ڈیلی پاکستان آن لائن) بہن پر تشدد کرنے پر نالاں سالے نے ڈنڈے برسا کر اپنے بہنوئی کو جان سے مار دیا۔

یہ بھی پڑھیں: اسلام آباد میں تنخواہ لینے گئی گھریلو ملازمہ کے ساتھ ڈرائیور کی زیادتی، ملزم گرفتار

پولیس کی کارروائی

نجی ٹی وی چینل ایکسپریس نیوز کے مطابق، پولیس کا کہنا ہے کہ کورنگی سنگر چورنگی کے قریب جھگڑے کے دوران سالے نے ڈنڈوں کے وار سے بہنوئی کو قتل اور اس کے بھائی کو زخمی کر دیا، جس کے بعد پولیس نے قاتل کو گرفتار کر لیا۔

یہ بھی پڑھیں: اسمگلنگ اور غیر قانونی پیٹرول پمپس کے گرد گھیرا تنگ، پیٹرولیم ترمیمی بل 2025 منظور

جھگڑے کی تفصیلات

شرافی گوٹھ کے علاقے کورنگی سنگر چورنگی رکشا سٹینڈ کے قریب جھگڑے کے دوران ڈنڈوں کے وار سے ایک شخص جاں بحق اور ایک زخمی ہوگیا۔ متوفی کی لاش اور زخمی کو جناح ہسپتال منتقل کیا گیا، جہاں جاں بحق شخص کی شناخت 24 سالہ شریف ولد دوست علی اور زخمی کی 25 سالہ سلیم ولد دوست علی کے نام سے کی گئی۔

یہ بھی پڑھیں: ژوب ویلی ریلوے: دریائے ژوب کے ساتھ تعمیر شدہ ریلوے لائن

بھائیوں کا انکشاف

جاں بحق و زخمی ہونے والے دونوں بھائی ہیں۔ پولیس کے مطابق ملزم حبیب اللہ کو گرفتار کر لیا گیا ہے، جس نے پولیس کو بتایا کہ مقتول شریف اس کا بہنوئی ہے، مقتول نے اس کی بہن کو مارا پیٹا تھا، جس پر طیش میں آکر اس نے ڈنڈوں کے وار کر کے اسے قتل کردیا۔

مزید تفتیش

واضح رہے کہ مقتول اور ملزم دونوں رکشہ ڈرائیور ہیں اور اسی علاقے کے رہائشی ہیں۔ واقعے کی مزید تفتیش شروع کردی گئی ہے۔