وفاقی وزیر صحت کا بھارت سے بغیر علاج بھیجے گئے 2 بچوں کا علاج سرکاری خرچ پر کرانے کا اعلان

وفاقی وزیر صحت کا بڑا اعلان

اسلام آباد(ڈیلی پاکستان آن لائن) وفاقی وزیر صحت مصطفیٰ کمال نے بھارت سے بغیر علاج واپس بھیجے گئے 2 بچوں کا علاج سرکاری خرچ پر پاکستان میں ہی کروانے کا اعلان کردیا۔

یہ بھی پڑھیں: تکالیف سانجھی تھیں، کوئی بناوٹ نہ تھی،ہماری دوستی مثالی تھی اب ایسی دوستی خواب رہ گئی ہے،ماضی انسان کو زندہ رکھنے میں مدد دیتا ہے

مقبوضہ کشمیر میں صورتحال

نجی ٹی وی جیو نیوز کے مطابق مقبوضہ کشمیر میں پہلگام حملے کے بعد بھارت نے پاکستانیوں کو ملک چھوڑنے کا حکم دیا جس کے باعث علاج کیلئے جانے والے بہت سے لوگوں کو بغیر علاج کروائے ہی واپس بھیج دیا گیا۔

یہ بھی پڑھیں: محسن نقوی کو خیبر پختونخوا کی ضرورت پڑی تو یہاں منہ اٹھا کر آ گئے، عمرایوب

شاہد علی کی اپیل

پاکستان واپس آنے والوں میں شاہد علی کے 2 بچے بھی شامل ہیں جو دل کے مرض میں مبتلا ہیں۔ شاہد علی نے حکومت سے بچوں کا علاج کروانے کی اپیل کی تھی جو وفاقی حکومت نے سن لی۔

یہ بھی پڑھیں: لاہور میں جعلی پیر کی ساتھی کے ساتھ ملکر ذہنی مریض لڑکی سے اجتماعی زیادتی

وزیر صحت کی ہدایت

وفاقی وزیر صحت مصطفیٰ کمال نے اعلان کیا ہے کہ بچوں کا علاج سرکاری خرچ پر ملک میں ہی ہوگا۔ وزیر صحت نے ڈی جی ہیلتھ کو بچوں کی فیملی کی مدد کی ہدایت کی.

وزیراعظم ہاؤس کا تعاون

انہوں نے مزید کہا کہ بچوں کے علاج کے لئے وزیراعظم ہاؤس نے بھی رابطہ کیا ہے.