بھارت ہر چیز کا الزام پاکستان پر لگاتا ہے مگر ثابت نہیں کرسکا: شرجیل میمن

وزیر اطلاعات سندھ کا بیان

کراچی (ڈیلی پاکستان آن لائن) وزیر اطلاعات سندھ شرجیل میمن نے کہا کہ بھارت نے ثابت کیا کہ وہ سچ سے خوف زدہ ہے، بھارت آج تک پاکستان کے خلاف کوئی الزام ثابت نہیں کرسکا۔

یہ بھی پڑھیں: کراچی کے پوڈکاسٹر علی قاسم نے ٹیمو کے ذریعے اپنے خواب کو حقیقت میں بدلا دیا

بھارت کے الزامات

روز نامہ جنگ کے مطابق کراچی میں پریس کانفرنس سے خطاب کرتے ہوئے شرجیل میمن نے کہا کہ بھارت دہشت گردی کو فروغ دے رہا ہے، بھارت ہر چیز کا الزام پاکستان پر لگاتا ہے مگر ثابت نہیں کرسکا۔ انھوں نے کہا کہ پاکستان میں دہشتگردی کے واقعات میں ہزاروں پاکستانی شہید ہوئے، بھارت جھوٹ بولنے اور پروپیگنڈا کرنے کا ماہر ہے۔

یہ بھی پڑھیں: وزیر اطلاعات عطاء تارڑ باکو پہنچ گئے

اقلیتوں پر ظلم

صوبائی وزیر اطلاعات نے کہا کہ مودی حکومت کے اقلیتوں پر ظلم کی مثال دنیا میں کہیں نہیں ملتی، پہلگام واقعے سے پاکستان کا کوئی تعلق نہیں، بھارت ماضی میں بھی جعلی آپریشن کرتا رہا ہے۔

یہ بھی پڑھیں: یوٹیوبرز کیلئے بڑی خوشخبری، انتہائی اہم فیچر متعارف

پاکستان کا جواب

شرجیل میمن نے کہا کہ بھارت کے جنگی جنون سے پاکستان ڈرنے والا نہیں، پہلگام ڈرامہ بھارت نے خود رچایا۔ پاکستان نے بہادری کے ساتھ دہشت گردی کا مقابلہ کیا ہے۔ انھوں نے کہاکہ کشمیریوں پر بھارتی مظالم سب کے سامنے ہیں۔ بھارت میں مسلمانوں اور سکھوں کی نسل کشی کی مثالیں سب کے سامنے ہیں، بھارتی الزامات کی آزادانہ تحقیقات کی جانی چاہئے۔

یہ بھی پڑھیں: لاہور کے گریٹر اقبال پارک سے 10 سالہ معذور بچے کے اغوا کی کوشش ناکام، ملزمہ گرفتار

بھارتی دہشت گردوں کا ذکر

شرجیل میمن نے کہاکہ بھارتی دہشت گرد کلبھوشن آج بھی پاکستان میں گرفتار ہے، بھارت اور اس کے عوام کے لئے جنگ خودکشی کے مترادف ہوگی، پاکستان کے پاس دنیا کی بہترین فوج اور ہتھیار ہیں۔

یہ بھی پڑھیں: وزیراعظم شہبازشریف کا ایرانی صدر کو ٹیلی فون، دھماکے میں ہلاکتوں پر اظہار افسوس

میڈیا کے کردار

انھوں نے کہاکہ بھارتی میڈیا نے تمام معاملے کی شرمناک کوریج کی ہے، پاکستانی میڈیا نے بھارتی پروپیگنڈا کا منہ توڑ جواب دیا، بھارت کا پاکستانی میڈیا پر پابندی عائد کرنا ثبوت ہے کہ بھارت پاکستان سے ڈرتا ہے۔

یہ بھی پڑھیں: خیبرپختونخوا؛سینیٹ کا ضمنی الیکشن، مشال یوسفزئی 86ووٹ لے کر سینیٹر منتخب

جمہوری بھارت کی حقیقت

شرجیل میمن نے کہا کہ نام نہاد جمہوری بھارت نے پاکستانی میڈیا ہاو¿سز اور یوٹیوبرز کو بلاک کر دیا ہے، ہمارے ملک میں تو کوئی چیز بلاک نہیں ہوئی، ہماری فضا آزاد ہے، بھارت میں اس وقت ڈر اور خوف کا عالم ہے۔

یہ بھی پڑھیں: بھکاری نے 7.5 کروڑ کما لیے، 2 فلیٹ اور 3 دکانوں کا بھی مالک

پاکستان کا مدعا

انھوں نے کہاکہ بھارت کی ٹانگیں اس وقت بری طرح کانپ رہی ہیں، پاکستان ایک پرامن ملک ہے، مگر اپنی خودمختاری کا دفاع کرنا جانتا ہے، پاکستان پر اگر کسی نے میلی آنکھ رکھی تو وہ عمر بھر یاد رکھے گا۔

پاکستان کی طاقت

شرجیل انعام میمن نے کہاکہ پاکستان ایک طاقتور، خود دار اور ایٹمی ریاست ہے، سندھ طاس معاہدے پر جواہر لال نہرو کے دستخط آج بھی گواہ کے طور پر ہیں。