تمام سگنلز ڈاؤن: راستہ خالی اور استقبال کے تمام انتظامات مکمل ہیں، اب گاڑی بلا خوف و خطر روانہ ہوسکتی ہے

مصنف کا تعارف

مصنف: محمد سعید جاوید
قسط: 114

یہ بھی پڑھیں: کراچی ؛عدالت نے ای چالان کے خلاف حکم امتناع کی استدعا مسترد کردی

پٹریوں کا نظام

بڑے لیور کے ساتھ ہی لگے ہوئے نسبتاً چھوٹے لیور کو بھی ساتھ ہی کھینچ کر مقفل کردینے سے اس لائن کے سارے ضروری سگنل ڈاؤن ہوجاتے ہیں، جو گاڑی کے اس بات کا اشارہ ہوتا ہے کہ آپ کی رہگزر خالی ہے اور استقبال کے سارے انتظامات مکمل ہیں۔ اب گاڑی کو چاہیے کہ وہ بلا خوف و خطر چلی آئے۔

یہ بھی پڑھیں: ہم ایران کے پرامن جوہری پروگرام کی حمایت کرتے ہیں، وزیراعظم

گاڑی کی خودکار تبدیلی

جب یہ سب کچھ ہو جاتا ہے تو اسٹیشن کی حدود میں آنے والی گاڑی جیسے ہی اس پوائنٹ پر پہنچتی ہے جہاں سے لیور کی مدد سے اسے مرکزی لائن سے ہٹا کر اس کا رخ تبدیل کیا جاتا ہے تو وہ اپنے پہیوں کی مخصوص بناوٹ کی وجہ سے خودبخود دوسری پٹری پر منتقل ہو جاتی ہے۔

یہ بھی پڑھیں: آئینی بینچ نے عام انتخابات 2024 ری شیڈول کرنے کی درخواست خارج کردی

ڈرائیور کی حالت

اس جگہ پہنچ کر گاڑی کا ڈرائیور مجبور ہو جاتا ہے کہ وہ بے بسی کے عالم میں صرف پہیوں کی کھڑکھڑاہٹ ہی سن سکتا ہے اور سوائے گاڑی کو چلانے روکنے یا آگے پیچھے کرنے کے کچھ نہیں کرسکتا کیونکہ اس کے پاس گاڑی کو موڑنے کا نظام ہی نہیں ہوتا۔ وہ مکمل طور پر کیبن والے کے رحم و کرم پر ہوتا ہے۔ وہ جس لائن پر بھی اس کو موڑ دے گا، تقدیر کے لکھے کی طرح اس کو ادھر ہی جانا پڑے گا۔

یہ بھی پڑھیں: تاریخ میں پہلی بار سعودی عرب کے صحرا میں برفباری

پوائنٹ مین کا کردار

اسی طرح گاڑی گزر جانے کے بعد جیسے ہی پوائنٹ مین ان لیوروں کو واپس اوپر دھکیلتا ہے تو باہر بچھی ہوئی پٹریاں دوبارہ واپس اپنی جگہ آ جاتی ہیں۔

یہ بھی پڑھیں: پاکستان نے معاشی استحکام حاصل کر لیا، وزیر خزانہ

راستے کی ترجیحات

اگر کسی وجہ سے آگے اسٹیشن پر کوئی پلیٹ فارم یا جگہ خالی نہ ہو اور وہاں پہنچنے والی گاڑی کو انتظار کروانا مقصود ہو، یا کسی بھی سمت سے آتی ہوئی تیز رفتار گاڑی کو ترجیحی بنیادوں پر راستہ دینا ہو تو پہلے والی گاڑی کو ایک طرف روک دیا جاتا ہے تاکہ ترجیحی گاڑی کو پٹری صاف ملے اور وہ زنا ٹے بھرتی وہاں کھڑی ہوئی اس مسکین سی گاڑی کو منہ چڑاتے ہوئے گزر جائے۔

یہ بھی پڑھیں: معروف بھارتی اداکار کارتک آریان کو اپنی غربت کا زمانہ یاد آگیا

کیبن میں کا کام

چونکہ کیبن کے اطراف میں کھڑکیاں کھلی ہوئی ہوتی ہیں، جہاں سے چاروں طرف نگاہ دوڑائی جا سکتی ہے، اس لیے کیبن مین کو سخت ترین موسمی حالات سے بھی لڑنا پڑتا ہے۔ پھر جب گاڑی اس کے کیبن کے سامنے سے گزرنے لگتی ہے تو اس پر لازم ہے کہ وہ سبز جھنڈی لے کر کھڑکی میں آن بیٹھے۔

یہ بھی پڑھیں: ٹرمپ نے میئر نیویارک ظہرانہ ممدانی سے ملاقات طے ہونے کی تصدیق کردی

سگنلز کا نظام

اگر خدانخواستہ گاڑی پہلے سگنل سے آگے نکل آئے اور عین آخری وقت پر کسی وجہ سے گاڑی کو روکنا پڑ جائے تو وہ سرخ جھنڈی لہراتا ہے اور اگلا سگنل اَپ کردیتا ہے۔ ڈرائیور یہ صورت حال دیکھ کر اسٹیشن کی حدود سے پہلے ہی گاڑی روک لیتا ہے۔ رات کے وقت جھنڈیوں کے بجائے سرخ اور سبز رنگوں کے موٹے عدسوں والے خصوصی لیمپ استعمال ہوتے ہیں۔

یہ بھی پڑھیں: چین اور پیرو لاطینی امریکہ کو ایشیاءسے ملانے کیلئے نئی زمینی اور سمندری راہداری کی تعمیر کو تیار

نئے دور کی چال

اب زمانہ بدل گیا ہے اور یہ سارا نظام متروک ہوتا جا رہا ہے، اور انٹر لاکنگ اور سگنل کا سارا سلسلہ بتدریج کمپیوٹر کے حوالے کیا جا رہا ہے۔ جو حالات اور اپنی مصنوعی مگر مؤثر ذہانت کے بل بوتے پر انٹر لاکنگ کے یہ مربوط فیصلے کریں گے۔ اب کیبن میں موجود عملہ، یا اسٹیشن کے کنٹرول روم میں بیٹھے ہوئے ملازمین صرف ایک بٹن دبا کر پٹریوں کو ادھر سے ادھر کر سکیں گے۔ پاکستان میں کچھ سیکشنوں پر یہ کام مکمل ہو چکا ہے جہاں پٹریوں کے پوائنٹوں پر اب طاقتور برقی موٹریں نصب کر دی گئی ہیں۔

اختتام

نوٹ: یہ کتاب ”بک ہوم“ نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔