بھارت ہماری فوج کا مقابلہ نہیں کر سکتا، شاہد آفریدی

شاہد آفریدی کا بھارت کی دھمکیوں پر ردعمل

لاہور(ڈیلی پاکستان آن لائن) قومی کرکٹ ٹیم کے سابق کپتان شاہد آفریدی نے بھارت کی دھمکیوں کو آڑے ہاتھوں لیتے ہوئے کہا کہ بھارت ہمیں ڈرانے کی کوشش کر رہا ہے لیکن یہ ہماری فوج کا مقابلہ نہیں کر سکتے۔

یہ بھی پڑھیں: حکومت کو جواب دینا ہوگا 26 نومبر کو گولی کیوں چلائی؟ بیرسٹر سیف

بھارت کی گیدڑ بھپکیوں پر جواب

ایک نجی پروگرام میں شاہد آفریدی نے بھارت کی جانب سے دی جانے والی گیدڑ بھپکیوں پر جواب دیتے ہوئے کہا کہ یہ ہمیں ڈرانے کی کوشش کر رہے ہیں۔ ہم کافی عرصے سے حالت جنگ میں ہیں، اور ہماری فوج اتنی تربیت یافتہ ہوگئی ہے کہ یہ ہماری فوج کا مقابلہ نہیں کرسکتے۔

یہ بھی پڑھیں: پاکستان اور بھارت جنگ بندی پر او آئی سی کا بیان

دہشتگردی کے خلاف موقف

انہوں نے یہ بھی کہا کہ دہشتگردی کو کون سپورٹ کرتا ہے؟ نہ ہمارا ملک کرتا ہے اور نہ ہمارا مذہب کرتا ہے۔ ہم دہشتگردی کا مقابلہ کتنے عرصے سے کر رہے ہیں، اور ہم دہشتگردی کے خلاف ہیں۔ ہمارا مذہب بھی اس کیخلاف ہے؛ ہمارا مذہب امن کا نام ہے اور امن کی بات کرتا ہے۔

یہ بھی پڑھیں: آج سٹاک مارکیٹ میں نئی تاریخ رقم ہوئی،ہر ریکارڈ مسلم لیگ(ن) کے دور میں بنتاہے: مریم نواز

شاہد آفریدی کا مودی سرکار پر بیان

اس سے قبل بھی شاہد آفریدی نے ایک بیان میں پہلگام فالس فلیگ آپریشن پر مودی سرکار کو آڑے ہاتھوں لیتے ہوئے نکما قرار دیا تھا، جس پر سابق بھارتی کرکٹر شیکھر دھون بھڑک اٹھے اور ایکس پر پوسٹ کرتے ہوئے شاہد آفریدی کو تنقید کا نشانہ بنایا۔

شیکھر دھون کے جواب میں ردعمل

اس پوسٹ کے جواب میں شاہد آفریدی نے فوجی شرٹ پہن کر ایکس پر تصویر پوسٹ کی اور چائے کا کپ پکڑ کر شیکھر دھون کو چائے کی پیشکش کی تھی۔