مسیحی برادری کا ’’پاکستان زندہ باد ‘‘کنونشن، قوم متحد ہو کر درپیش چیلنجز کا مقابلہ کرے : مقررین
گوجرانوالہ میں کنونشن کا انعقاد
گوجرانوالہ (ڈیلی پاکستان آن لائن) مسلح افواج سے اظہار یکجہتی کیلئے مسیحی برادری کی طرف سے ’’پاکستان زندہ باد‘‘ کنونشن کا انعقاد ہوا۔
یہ بھی پڑھیں: پاکستانی یوٹیوبر زلمی کا دنیا کے نمبر 1 یوٹیوبر مسٹر بیسٹ کے ساتھ اشتراک
شرکت اور ایونٹ کی تفصیلات
تفصیلات کے مطابق گوجرانوالہ میں سینٹ پال چرچ میں کنونشن کا انعقاد ہوا جس میں مسیحی اور سکھ برادری کے ساتھ ساتھ مسلمانوں کی بڑی تعداد بھی شرکت ہوئی۔ شرکاء نے افواج پاکستان کی دفاع وطن کیلئے دی گئی قربانیوں کو شاندار الفاظ میں خراج عقیدت پیش کیا۔ شرکاء نے "پاکستان زندہ باد" کے فلک شگاف نعرے لگائے۔
یہ بھی پڑھیں: ایل این جی کی قیمت میں اضافہ
مقررین کا خطاب اور قومی یکجہتی
کنونشن سے خطاب میں مقررین نے کہا کہ ملک میں موجود تمام اقلیتیں ہر مشکل گھڑی میں مسلح افواج کے شانہ بشانہ کھڑی ہیں۔ کنونشن کا مقصد پہلگام فالس فلیگ آپریشن کے بعد قومی یکجہتی اور دفاع وطن کے عزم کا اعادہ کرنا ہے۔ یہ وقت ہے کہ پوری قوم ایک پرچم تلے متحد ہو کر ملک کو درپیش چیلنجز کا مقابلہ کرے۔ ہم پاک فوج کے ساتھ کھڑے ہیں اور اپنے خون کا آخری قطرہ بھی اپنے ملک کے دفاع کیلئے بہائیں گے۔
پہلگام فالس فلیگ آپریشن بھارتی افواج کی ناکامی اور شرمندگی کا باعث ہے۔ بھارت کی کسی بھی ممکنہ جارحیت کا منہ توڑ جواب دینے کا اعلان کرتے ہیں۔
