لاہور قلندرز اور کوئٹہ گلیڈی ایٹرز کا میچ آندھی اور بارش کے باعث ختم کردیا گیا

لاہور اور کوئٹہ کا میچ ختم

لاہور(ڈیلی پاکستان آن لائن) لاہور قلندرز اور کوئٹہ گلیڈی ایٹرز کا میچ آندھی اور بارش کے باعث ختم کردیا گیا۔ پاکستان سپر لیگ سیزن 10 کے 21ویں میچ میں کوئٹہ گلیڈی ایٹرز نے لاہور قلندرز کے خلاف ٹاس جیت کر فیلڈنگ کا فیصلہ کیا تھا۔ تاہم خراب موسم کے باعث میچ ختم کردیا گیا۔

یہ بھی پڑھیں: پاکستان کو بڑی عالمی طاقتوں کے ساتھ باہمی مفاد پر مبنی تعلقات استوار کرنے ہوں گے: علی جہانگیر صدیقی

ٹاس کے بعد کی صورتحال

ٹاس کے بعد کوئٹہ گلیڈی ایٹرز کے کپتان سعود شکیل نے کہا کہ گزشتہ تین میچوں سے بولنگ یونٹ اچھا پرفارم کررہا ہے، اُمید ہے اس میچ میں بھی اچھی بولنگ ہوگی۔

یہ بھی پڑھیں: جنگی میدان میں سیز فائر ہو گیا لیکن سوشل میڈیا پر مودی کی ٹھکائی اب بھی جاری ، پاکستانیوں کی میمز نے سب کو ہنسا ہنسا کے لوٹ پوٹ کر دیا

لاہور قلندرز کی رائے

لاہور قلندرز کے کپتان شاہین شاہ آفریدی کا کہنا ہے کہ ہم ٹاس جیتتے تو بیٹنگ ہی کرتے، 170 سے 180 رنز دفاع کرنے کے لیے اچھا ہدف ہوگا۔

یہ بھی پڑھیں: مہنگائی 6 سال کی کم ترین سطح پر آ گئی، بلال اظہر کیانی کا دعویٰ

کھلاڑیوں کی صورتحال

کوئٹہ گلیڈی ایٹرز کے محمد عامر بخار میں مبتلا ہونے کے باعث میچ ٹیم کا حصہ نہیں تھے۔ ترجمان ٹیم کا کہنا ہے کہ ایمرجنگ فاسٹ بولر محمد ذیشان پلیئنگ الیون میں شامل کیا گیا۔