لاہور میں بھائیوں نے غیرت کے نام پر اپنی ماں اور بہن کو گلا کاٹ کر قتل کر دیا

غیرت کے نام پر قتل

لاہور (ڈیلی پاکستان آن لائن) بھائیوں نے غیرت کے نام پر ماں اور بہن کو قتل کردیا، پولیس نے باپ اور دونوں بیٹوں کو گرفتار کرلیا۔

یہ بھی پڑھیں: پہلگام حملہ، بھارتی یوٹیوبر دھرو راٹھی نے مودی حکومت کے فالس فلیگ آپریشن کو بے نقاب کردیا

واقعہ کی تفصیلات

پولیس کے مطابق لاہور کے علاقے کاہنہ میں ماں اور بیٹی کو قتل کرنے کا واقعہ پیش آیا، جس میں مقتولہ کے دونوں بیٹوں نے ماں رخسانہ اور بیٹی رمشا کو تیز دھار آلے سے گلا کاٹ کر قتل کردیا۔

یہ بھی پڑھیں: وفاقی حکومت نے یکم مئی کو ملک بھر میں عام تعطیل کا اعلان کردیا

گرفتاری اور کارروائی

حکام کا کہنا ہے کہ دہرے قتل کی واردات میں ملزمان دونوں بھائیوں 15 اور 17 سالہ علی حسن اور زین کو والد یوسف سمیت گرفتار کرلیا گیا ہے۔ پولیس نے واقعے کی اطلاع ملتے ہی کارروائی شروع کی اور وقوعہ کے ایک گھنٹے کے اندر ملزمان کو حراست میں لے لیا۔

مقدمے کی تفصیلات

ڈی آئی جی آپریشنز فیصل کامران نے پولیس کی مدعیت میں واقعے کا مقدمہ درج کرنے کا حکم دے دیا۔ یاد رہے کہ 2 ماہ قبل ماں بیٹی کے گھر سے بھاگنے کا مقدمہ 2506/25 درج کرایا گیا تھا۔ گزشتہ روز ماں بیٹی واپس گھر پہنچیں تو سفاک بیٹوں نے گلے کاٹ کر قتل کردیا۔