سکول لے جانے اور لانے والے رکشہ ڈرائیور کی طالبہ سے 4 ماہ تک زیادتی، شرمناک تفصیلات سامنے آگئیں۔

واقعہ کی تفصیلات

وہاڑی (ویب ڈیسک) بورے والا میں دسویں کلاس کی طالبہ کو اسکول لے جانے اور لے آنے والا رکشہ ڈرائیور 4 ماہ تک زیادتی کا نشانہ بناتا رہا جس سے طالبہ حاملہ ہوگئی۔

یہ بھی پڑھیں: 22 سالہ سوشل میڈیا انفلوئنسر کو ڈیلیوری بوائے نے گولی مار کر ہلاک کردیا

والدین کی تشویش

ایکسپریس نیوز کے مطابق متاثرہ لڑکی کے والدین کا کہنا ہے کہ دسویں کلاس کی طالبہ کو سکول لے جانے اور لانے کے لیے رکشہ لگوا کر دیا تھا۔ سکول سے گھر نہ پہنچنے پر والدہ کو تشویش ہوئی تو وہ بچی کو ڈھونڈتے رہے مگر بچی نہ ملی اور آخر کار رات تین بجے بچی نیم بیہوشی کی حالت میں ملی جسے ہسپتال منتقل کیا گیا۔

یہ بھی پڑھیں: دوسروں کے رویئے کو ترجیح دینا تباہ کن ہے، آپ کی قدر دوسروں کے ہاتھوں میں کھلونا بن جاتی ہے اور دوسرے لوگ آپ کا مزید استحصال کرتے ہیں

بچی کا انکشاف

والدین کا کہنا ہے کہ ہوش میں آنے کے بعد بچی نے بتایا کہ رکشہ ڈرائیور ناصر شیخ پچھلے چار ماہ سے جان سے مار دینے کی دھمکیاں دے کر مسلسل زیادتی کرتا رہا۔ جس پر الٹراساؤنڈ کرایا گیا تو اس میں بچی تین ماہ کی حاملہ ہونے کی تصدیق ہوئی۔

قانونی کارروائی

پولیس نے والدہ کی مدعیت میں ملزم ناصر شیخ کے خلاف مقدمہ درج کر کے تفتیش کا آغاز کر دیا۔