پانچ ہزار سے پانچ لاکھ تک کا جرمانہ، سندھ پولیس کا ٹریفک قوانین کی پاسداری کے لیے اصلاحات کا اعلان

سندھ پولیس کا ٹریفک قوانین میں اصلاحات کا اعلان

کراچی(آئی این پی) سندھ پولیس نے ٹریفک قوانین کی پاس داری کے لیے اہم اصلاحات کا اعلان کیا ہے۔

یہ بھی پڑھیں: گل پلازہ آتشزدگی، صدر مملکت کی شہیدفائرفائٹر کو سول ایوارڈ کیلئے نامزد کرنے کی ہدایت

جرمانوں کی نئی درجہ بندی

ڈی آئی جی ٹریفک پیر محمد شاہ نے کہا ہے کہ یکم جون سے شہر قائد میں ٹریفک قوانین کی خلاف ورزی کرنے والوں کو 5 ہزار سے 5 لاکھ روپے تک جرمانہ ادا کرنا ہوگا۔ کراچی والے اب ہوشیار ہو جائیں، کیوں کہ امیر زادہ ہو یا عام شہری سب کو ٹریفک قوانین پر عمل کرنا پڑے گا۔

یہ بھی پڑھیں: اے این ایف : مختلف شہروں سے 2 کروڑ سے زائد مالیت کی منشیات برآمد

چالان کا نیا طریقہ کار

ڈی آئی جی ٹریفک کا کہنا ہے کہ اصلاحات کا عمل مکمل ہو گیا ہے۔ یکم جون سے چالان کی رقم 5 ہزار سے 5 لاکھ روپے تک بھرنا ہوگا۔ شہر میں اب قوانین کی خلاف ورزی پر پیسے دو جان چھڑاو والا سسٹم نہیں چلے گا۔ جدید کیمروں کی مدد سے پیپر لیس سسٹم کے تحت چالان گھر تک پہنچائیں گے۔

یہ بھی پڑھیں: ایرانی سپریم لیڈر نے حسین سلامی کی شہادت کے بعد پاسدران انقلاب کے نئے سربراہ کے نام کا اعلان کر دیا

جرمانوں کی تفصیلات

ڈی آئی جی ٹریفک کے مطابق موٹر بائیک کے لیے 5 ہزار، کار کے لیے 10 ہزار، بسوں کے لیے 15 ہزار، اور بڑی گاڑیوں ہیوی ٹریفک کے لیے 20 ہزار روپے کے جرمانوں کی تجویز دی گئی ہے۔