یونان کا پہلگام واقعہ کی شفاف تحقیقات کیلئے پاکستانی تجویز کا خیرمقدم
یونان کی حمایت
اسلام آباد (ڈیلی پاکستان آن لائن) یونان نے پہلگام فالس فلیگ کی غیر جانبدار اور شفاف تحقیقات کے پاکستانی تجویز کا خیرمقدم کیا ہے۔
یہ بھی پڑھیں: جب صدر لغاری نے بینظیر بھٹو کی حکومت برطرف کی تھی تو ان پر الزام یہ بھی تھا کہ وہ فون ٹیپنگ کرتی رہی ہیں، مطیع اللہ جان
وزیر خارجہ کی گفتگو
نجی ٹی وی دنیا نیوز کے مطابق وزیر خارجہ اسحاق ڈار نے یونانی ہم منصب سے رابطہ کر کے انہیں خطے کی موجودہ صورتحال سے آگاہ کیا، بھارتی الزامات اور پراپیگنڈے کے بارے میں بتایا اور حقائق کی آزاد اور شفاف تحقیقات کے پاکستانی مطالبے کا اعادہ کیا۔
یہ بھی پڑھیں: ڈی چوک جانے کے متنازع فیصلے سے لاپتہ قیادت کے مانسہرہ پہنچنے تک: حالیہ احتجاج میں تحریک انصاف کا نقصان اور فائدہ کیا رہا؟
تحمل کی ضرورت
اس موقع پر یونانی وزیر خارجہ نے کشیدگی کو روکنے کے لیے تحمل پر زور دیا اور پاکستان کی جانب سے پہلگام واقعہ کی غیر جانبدار اور شفاف انکوائری کے لیے تجویز کا خیرمقدم کیا۔
علاقائی روابط
ترجمان دفتر خارجہ نے بتایا کہ اس موقع پر دونوں رہنماو¿ں نے علاقائی اور عالمی پیشرفت پر قریبی روابط برقرار رکھنے پر اتفاق کیا۔
