میرے والد کو ایسپرگر سنڈروم ہے، بل گیٹس کی بیٹی کا انکشاف

بل گیٹس کی بیٹی کا انکشاف

نیویارک (ڈیلی پاکستان آن لائن) مائیکروسافٹ کے بانی بل گیٹس کی بیٹی فیبی گیٹس نے ایک حالیہ پوڈکاسٹ میں انکشاف کیا ہے کہ ان کے والد کو ایسپرگر سنڈروم ہے۔ ہندوستان ٹائمز کے مطابق فیبی گیٹس نے یہ بات "کال ہر ڈیڈی" پوڈکاسٹ میں میزبان ایلیکس کوپر سے گفتگو کے دوران کہی۔

یہ بھی پڑھیں: مذاکرات ہو رہے ہیں کس سے ہو رہے ہیں یہ تو پارٹیاں بتا سکتی ہیں:شیخ رشید

والد کی سوشیئل سچویشنز

فیبی گیٹس نے پوڈکاسٹ میں بتایا کہ جب ان کے بوائے فرینڈز پہلی بار بل گیٹس سے ملتے ہیں تو وہ لمحے بڑے عجیب ہوتے ہیں۔ ان کا کہنا تھا "میرے والد کافی سوشلی آؤٹ آف ٹچ ہیں، جیسا کہ وہ خود کہہ چکے ہیں کہ انہیں ایسپرگر ہے، اس لیے میرے لیے یہ سب کچھ مزاحیہ ہوتا ہے۔"

بل گیٹس کی سوانح حیات

بل گیٹس نے اگرچہ کبھی کھل کر ایسپرگر سنڈروم کا ذکر نہیں کیا، تاہم اپنی حالیہ سوانح عمری "سورس کوڈ" میں انہوں نے اس بات کا اعتراف کیا کہ اگر وہ آج کے دور میں بڑے ہو رہے ہوتے تو انہیں ممکنہ طور پر آٹزم سپیکٹرم ڈس آرڈر کی تشخیص ہوتی۔ انہوں نے لکھا کہ بچپن میں ان کی دلچسپیاں، سوشل کیوز کا نظر انداز کرنا، اور کبھی کبھار غیر محسوس انداز میں بے ادبی، ایسی علامات تھیں جنہیں اس وقت سمجھنے کا کوئی طریقہ نہیں تھا۔