پاکستان پاک بھارت کشیدگی کے بعد عالمی سطح پر متحرک ہے: عاصم افتخار

پاکستان کے نئے سفیر کی سرگرمیاں

اسلام آباد (ڈیلی پاکستان آن لائن) اقوام متحدہ میں پاکستان کے نئے سفیر کی حیثیت سے عہدہ سنبھالنے والے عاصم افتخار نے کہا کہ پاک بھارت کشیدگی کے بعد پاکستان عالمی سطح پر متحرک ہے۔

یہ بھی پڑھیں: پی ٹی آئی سیاسی جماعت نہیں کرمنلز کا گروہ ہے، ڈی چوک صرف لاشیں لینے آئے تھے: مریم اورنگزیب

عاصم افتخار کی ملاقاتیں

نجی ٹی وی چینل دنیا نیوز کے مطابق، پاکستان کے مستقل مندوب کی ہفتے سے کم وقت میں دوسری بار اقوام متحدہ کے سیکرٹری جنرل سے ملاقات ہوئی۔ عاصم افتخار کی نیویارک میں او آئی سی گروپ کے سفیروں سے بھی ملاقات ہوئی، جہاں انہوں نے اقوام متحدہ میں میڈیا کو سفارتی صورتحال پر بریفنگ دی۔

یہ بھی پڑھیں: اہم پیش رفت ،طور خم اور چمن پر جدید ترین باڈر ٹرمینلز تکمیل کے آخری مراحل میں، افتتاح کب متوقع ہے؟ تفصیلات جانیے

اقوام متحدہ میں پاک بھارت تناؤ پر تبادلہ خیال

ان کا کہنا تھا کہ اقوام متحدہ کے سیکرٹری جنرل سے دو مرتبہ ملاقات کی، اقوام متحدہ کی جنرل اسمبلی کے صدر سمیت دیگر اعلیٰ حکام سے بھی ملاقاتیں کیں، ملاقاتوں میں پاک بھارت تناؤ پر بریفنگ دی گئی۔

آئندہ کے اقدامات

او آئی سی گروپ کے سفیروں سے بھی ملاقات کی گئی، اقوام متحدہ کی سلامتی کونسل کا اجلاس بلانا بھی زیر غور ہے، مناسب وقت میں سلامتی کونسل کے اراکین کو بھی اعتماد میں لیا جائے گا۔