لاہور میں بچے کو استعمال کرکے لوگوں کو ہنی ٹریپ کرنے والی خاتون کا گینگ پکڑا گیا

لاہور میں خاتون کی گرفتاری

لاہور (آئی این پی) میں اپنے کمسن بچے کو استعمال کرکے لوگوں کو ہنی ٹریپ کرنے والی خاتون کو گینگ سمیت کوٹ لکھپت پولیس نے گرفتار کرلیا۔

یہ بھی پڑھیں: فرانسیسی صدر کی ترک صدر رجب طیب اردوان سے ملاقات، مشرقِ وسطیٰ کے مضبوط اور دیرپا سفارتی حل کی اہمیت پر زور دیا۔

گرفتار ملزمان کی تفصیلات

رپورٹ کے مطابق، کوٹ لکھپت پولیس نے خاتون ملزمہ سمیت تین ملزمان کو گرفتار کر کے ہتھیائی گئی رقم 2 لاکھ روپے برآمد کرلیے۔ گرفتار ملزمان میں گینگ کی سرغنہ خاتون ثمر ندیم، اس کا بیٹا عظیم اور ایک ساتھی خالد شامل ہیں۔

یہ بھی پڑھیں: ایران کی جانب سے فائرنگ کا نشانہ بننے والے F-35 لڑاکا طیارے کی امریکی فضائی اڈے پر ہنگامی لینڈنگ

ہنی ٹریپ کی واردات

ملزمہ اپنے بچوں کا استعمال کرکے ہنی ٹریپ کے ذریعے لوگوں کو بلیک میل کر کے رقم ہتھیانے میں ملوث تھی۔ کوٹ لکھپت تھانے کی حدود میں، ملزمہ نے پیزا ڈلیوری بوائے کو گھر بلایا اور بچے کے ذریعے اس کی نازیبا ویڈیو بنالیں۔ اس کے بعد، اسے بلیک میل کر کے 50 لاکھ روپے رقم کا مطالبہ کرتی رہی۔

پولیس کی کارروائی

سپرنٹنڈنٹ آف پولیس (ایس پی) انویسٹی گیشن ڈاکٹر ایاز حسین کا کہنا ہے کہ ملزمہ نے دوران تفتیش اس نوعیت کی متعدد وارداتوں کا انکشاف کیا ہے۔ ملزمہ سے مزید تفتیش کی جارہی ہے، جس میں اہم انکشافات متوقع ہیں۔