ملتان: سسرالیوں نے حاملہ بہو کا گلا کاٹ دیا

ملتان میں دلخراش واقعہ

ملتان (ڈیلی پاکستان آن لائن) - سسرالیوں نے حاملہ بہو کو گلا کاٹ کر قتل کر دیا۔

یہ بھی پڑھیں: بلوچستان فنانس ایکٹ 2020 کے تحت ایکسائز ڈیوٹی میں اضافہ آئینی قرار

خاتون کی شادی اور حالات

نجی ٹی وی دنیا نیوز نے پولیس ذرائع کے حوالے سے بتایا کہ نیوسینٹرل جیل کے علاقہ میں خاتون کی چند ماہ قبل شادی ہوئی تھی۔ شادی کے بعد گھر میں اکثر جھگڑے رہتے تھے، اور خاتون 5 ماہ کی حاملہ تھی۔

یہ بھی پڑھیں: سموگ ختم کرنے کیلئے ہمیں اپنے لائف سٹائل میں تبدیلی لانا ہوگی: عظمیٰ بخاری

خودکشی کی اطلاع اور کارروائی

خاتون کے خاوند کی جانب سے خودکشی کی اطلاع دی گئی، لیکن خاتون کے والد نے پولیس کو سسرالیوں کے خلاف کارروائی کرنے کی درخواست دیتے ہوئے کہا کہ میری بیٹی کو سسرالیوں نے قتل کیا ہے۔

پولیس کی کارروائی

پولیس کے مطابق خاتون کی نعش کو پوسٹ مارٹم کے لیے نشتر ہسپتال منتقل کر دیا گیا ہے۔ پوسٹ مارٹم کے بعد ملزمان کے خلاف قانون کے مطابق کارروائی ہوگی۔