الجزیرہ کی رپورٹ نے پہلگام واقعہ پر مودی حکومت کا گھناونا ایجنڈا بے نقاب کردیا

بھارت کے زیرِ انتظام جموں و کشمیر میں جدوجہد

مسقط(ڈیلی پاکستان آن لائن )عالمی نشریاتی ادارے الجزیرہ نے اپنی تازہ رپورٹ میں بھارت کے زیرِ انتظام جموں و کشمیر میں پہلگام فالس فلیگ حملے اور بھارتی حکومت کی ریاستی جبر، انسانی حقوق کی پامالی اور انتہا پسند پالیسیوں کو بے نقاب کر دیا ہے۔

یہ بھی پڑھیں: نجی سکول میں بچی پر مبینہ تشدد، والد نے تھانہ شاہدرہ میں درخواست دیدی

گودی میڈیا کا کردار

نجی ٹی وی ایکسپریس نیوز نے رپورٹ کے حوالے سے بتایا کہ بی جے پی حکومت نے اس حملے کو بنیاد بنا کر گودی میڈیا کے ذریعے انتہاپسند قوم پرستی کو فروغ دیا اور کشمیریوں کے خلاف مزید سخت اقدامات کئے۔

یہ بھی پڑھیں: سموسے پکوڑوں پر سوموٹولینے کا باب ہمیشہ کیلئے بند ہو گیا :عظمیٰ بخاری

حراست اور تباہی

الجزیرہ نے انکشاف کیا کہ 1500 سے زائد بے گناہ افراد کو بغیر ثبوت حراست میں لیا گیا اور ہزاروں گھروں کو بغیر تحقیق منہدم کر دیا گیا۔ یہ اقدامات کشمیری عوام کو ڈر اور خاموشی پر مجبور کرنے کے لئے کئے جا رہے ہیں۔

یہ بھی پڑھیں: محترمہ بینظیر بھٹو کی اٹھارویں برسیِ دبئی میں منائی گئی

بی جے پی کا آبادیاتی ایجنڈا

رپورٹ میں کہا گیا کہ بی جے پی کا آبادیاتی ایجنڈا کشمیر کی ثقافتی اور مذہبی شناخت کو ختم کرنے کے درپے ہے جبکہ میڈیا پر سنسرشپ اور زمینی حقائق کو چھپانے کی منظم مہم بھی جاری ہے۔

یہ بھی پڑھیں: جمہوریت ناکام، عالمی اقدار پامال ہوچکیں، مہاتیر محمد کا 100ویں سالگرہ پر انٹرویو

سکیورٹی اقدامات اور عوامی خوف

الجزیرہ نے خبردار کیا کہ نئے سکیورٹی اقدامات عوام کو تحفظ دینے کے بجائے انہیں خوفزدہ کرنے کا ذریعہ بن گئے ہیں اور مسئلہ کشمیر کو جبر کے ذریعے حل کرنے کی کوشش نے بحران کو مزید سنگین بنا دیا ہے۔

سیاسی مخالفین کا نشانہ

سیاسی مخالفین اور سماجی کارکنان کو نشانہ بنایا جا رہا ہے اور جمہوریت کے نام پر ریاستی طاقت کا استعمال عالمی برادری کے لئے لمحہ فکریہ ہے۔