پی ٹی آئی کا پاک بھارت کشیدگی پر حکومتی بریفنگ میں شرکت نہ کرنے کا اعلان

پاکستان تحریک انصاف کا فیصلہ

اسلام آباد (ڈیلی پاکستان آن لائن) پاکستان تحریک انصاف (پی ٹی آئی) نے پاک بھارت کشیدگی کے معاملے پر حکومتی بریفنگ میں شرکت نہ کرنے کا اعلان کردیا۔

یہ بھی پڑھیں: ایران کے چین سے میزائل خریدنے کی رپورٹ پر چین کا رد عمل بھی آ گیا

سیاسی کمیٹی کا موقف

نجی ٹی وی آج نیوز کے مطابق، پاکستان تحریک انصاف کی سیاسی کمیٹی نے کہا ہے کہ وہ حکومت کی جانب سے دی جانے والی بریفنگ میں شرکت نہیں کرے گی۔

یہ بھی پڑھیں: کیا ٹیپو سلطان اپنے مخالفین پر شدید تشدد کے حامی تھے؟

پی ٹی آئی کی دہشت گردی کی مذمت

پی ٹی آئی کے ترجمان شیخ وقاص اکرم نے بیان دیتے ہوئے کہا کہ پی ٹی آئی نے ہمیشہ ہر قسم کی دہشت گردی کی بھرپور مذمت کی ہے اور اس قومی معاملے پر یکجہتی کی اہمیت کو تسلیم کرتی ہے۔

یہ بھی پڑھیں: بشریٰ اقبال کی دانیہ شاہ کو عامر لیاقت کی بیوہ کہنے سے گریز کرنے کی درخواست

عمران خان کی رہنمائی

شیخ وقاص اکرم نے مزید کہا کہ پی ٹی آئی کے بانی چیئرمین عمران خان اس وقت ناجائز طور پر قید میں ہیں، لیکن انہوں نے جیل سے بھی قوم کے نام اپنے پیغامات میں دہشت گردی کی مذمت کی اور قومی اتحاد و یکجہتی کی ضرورت پر زور دیا۔

یہ بھی پڑھیں: پاکستان نے بنگلہ دیش کے 1971 کے واقعات پر معافی اور معاوضے کے مطالبے کی خبروں پر رد عمل جاری کر دیا

قومی اتحاد کا پیغام

ترجمان پی ٹی آئی کے مطابق، عمران خان کا مو¿قف خود وضاحتی ہے، جس میں جرات کے ساتھ قوم کو متحد ہونے کا پیغام دیا گیا ہے، یہ ایک قومی رہنما کی سوچ کا عکاس ہے۔

یہ بھی پڑھیں: ملک بھر میں 1400 سے زائد وٹس ایپ اکاؤنٹس ہیک ہونے کا انکشاف

حکومت سے مطالبہ

شیخ وقاص اکرم نے مزید کہا کہ تحریک انصاف ملک و قوم کے دفاع کے لئے ہر اول دستے میں کھڑی ہوگی اور حکومت سے مطالبہ کیا کہ حالیہ صورتحال کے پیش نظر فوری طور پر آل پارٹی کانفرنس بلائی جائے تاکہ تمام سیاسی قوتوں کو اعتماد میں لیا جا سکے۔

آج کی بریفنگ

خیال رہے کہ پاک بھارت صورتحال پر وفاقی وزیر اطلاعات عطا تارڑ اور ڈی جی آئی ایس پی آر لیفٹیننٹ جنرل احمد شریف چودھری آج سیاسی جماعتوں کے رہنماوں کو بریفنگ دیں گے۔ وزارتِ اطلاعات کے مطابق تمام سیاسی جماعتوں کے رہنماو¿ں کو قومی سلامتی کی صورتِ حال پر بریفنگ دی جائے گی۔