راولپنڈی میں ایک بار پھر واٹر ایمرجنسی نافذ

راولپنڈی میں واٹر ایمرجنسی

راولپنڈی میں ایک بار پھر واٹر ایمرجنسی نافذ کردی گئی ہے۔ واسا نے رواں سال فروری میں بھی ڈراوٹ ایمرجنسی نافذ کی تھی۔ خانپور ڈیم میں صرف ایک ماہ کا پانی کا ذخیرہ رہ گیا ہے۔

یہ بھی پڑھیں: پیپلز پارٹی نے پبلک اکاؤنٹس کمیٹی کی سربراہی مانگ لی

پانی کی طلب اور رسد کی صورتحال

نجی ٹی وی آج نیوز نے ایم ڈی واسا محمد سلیم اشرف کے حوالے سے بتایا کہ راول ڈیم میں پانی کا ذخیرہ صرف 3 ماہ کا رہ گیا ہے۔ پانی کی طلب اور رسد ان دنوں شدید متاثر ہے، کم بارشوں کے باعث زیر زمین پانی کی سطح میں کوئی بہتری نہیں آئی۔

یہ بھی پڑھیں: شمالی وزیرستان؛سکیورٹی فورسز کے آپریشن میں 6خوارج ہلاک، 6زخمی

زیر زمین پانی کی سطح میں کمی

ایم ڈی واسا کا کہنا ہے کہ زیر زمین پانی کی سطح ساڑھے 600 فٹ تک چلی گئی ہے۔ بارشیں نہ ہونے کی صورت میں جڑواں شہروں میں پانی کا مسئلہ سنگین ہوسکتا ہے۔ اس وقت راولپنڈی میں پانی کی طلب 5 کروڑ گیلن یومیہ سے زائد ہے جبکہ راولپنڈی کو دستیاب پانی 3 کروڑ گیلن یومیہ ہے۔

یہ بھی پڑھیں: کسی شخص کو استثنیٰ دینا آئین اور اسلامی تعلیمات کے منافی ہے: حافظ نعیم الرحمان

پانی کی کمی سے نمٹنے کے اقدامات

ایم ڈی واسا نے کہا کہ پانی کی کمی کو ٹیوب ویلز اور دیگر ذرائع سے پورا کرنے کی کوشش کی جا رہی ہے۔ آبادی میں مسلسل اضافہ اور کمرشل سرگرمیوں سے پانی کے ذخائر کم ہورہے ہیں۔

یہ بھی پڑھیں: اسلام آباد نے ہاتھ پیر پھیلانے شروع کیے تو ایک دن چپ چاپ جغرافیائی حدود کو پھلانگ کر گولڑہ تک آن پہنچا اب یہ اسلام آباد کا حصہ ہی تصور ہوتا ہے.

پانی کے غیر ضروری استعمال پر پابندی

ایم ڈی واسا کا کہنا ہے کہ کم بارشوں کے باعث دستیاب پانی کی تقسیم مشکل ہوگئی ہے، لہذا پانی کے غیر ضروری استعمال پر اب مقدمات کا اندراج کیا جائے گا۔

شہریوں سے اپیل

ایم ڈی واسا نے شہریوں سے اپیل کی ہے کہ وہ پانی کی بچت کریں اور واسا کے ساتھ تعاون کریں۔