راولپنڈی میں ایک بار پھر واٹر ایمرجنسی نافذ

راولپنڈی میں واٹر ایمرجنسی

راولپنڈی میں ایک بار پھر واٹر ایمرجنسی نافذ کردی گئی ہے۔ واسا نے رواں سال فروری میں بھی ڈراوٹ ایمرجنسی نافذ کی تھی۔ خانپور ڈیم میں صرف ایک ماہ کا پانی کا ذخیرہ رہ گیا ہے۔

یہ بھی پڑھیں: مہنگے ٹکٹوں اور متبادل پروازوں سے نجات: یورپ میں پی آئی اے کی پابندی ختم ہونے سے قومی ایئرلائنز کو کیا فائدہ حاصل ہوگا؟

پانی کی طلب اور رسد کی صورتحال

نجی ٹی وی آج نیوز نے ایم ڈی واسا محمد سلیم اشرف کے حوالے سے بتایا کہ راول ڈیم میں پانی کا ذخیرہ صرف 3 ماہ کا رہ گیا ہے۔ پانی کی طلب اور رسد ان دنوں شدید متاثر ہے، کم بارشوں کے باعث زیر زمین پانی کی سطح میں کوئی بہتری نہیں آئی۔

یہ بھی پڑھیں: اسرائیلی پارلیمنٹ تحلیل کرنے کا بل مسترد، نیتن یاہو کیخلاف اپوزیشن کو ناکامی

زیر زمین پانی کی سطح میں کمی

ایم ڈی واسا کا کہنا ہے کہ زیر زمین پانی کی سطح ساڑھے 600 فٹ تک چلی گئی ہے۔ بارشیں نہ ہونے کی صورت میں جڑواں شہروں میں پانی کا مسئلہ سنگین ہوسکتا ہے۔ اس وقت راولپنڈی میں پانی کی طلب 5 کروڑ گیلن یومیہ سے زائد ہے جبکہ راولپنڈی کو دستیاب پانی 3 کروڑ گیلن یومیہ ہے۔

یہ بھی پڑھیں: سزا سننے کے بعد بانی پی ٹی آئی نے کیا ہدایات کی ہیں۔؟ بیرسٹر سلمان صفدر نے میڈیا کو بتا دیا

پانی کی کمی سے نمٹنے کے اقدامات

ایم ڈی واسا نے کہا کہ پانی کی کمی کو ٹیوب ویلز اور دیگر ذرائع سے پورا کرنے کی کوشش کی جا رہی ہے۔ آبادی میں مسلسل اضافہ اور کمرشل سرگرمیوں سے پانی کے ذخائر کم ہورہے ہیں۔