پہلگام حملے پر جواب دینا میرا فرض ، جو آپ چاہتے ہیں وہ ضرور ہوگا، راج ناتھ سنگھ کی دھمکی

بھارتی وزیر دفاع کی دھمکی

نئی دہلی (ڈیلی پاکستان آن لائن) بھارتی وزیر دفاع راج ناتھ سنگھ نے دھمکی دی ہے کہ پہلگام واقعے کے بعد جوابی کارروائی کرنا ان کی ذمہ داری ہے۔ انہوں نے اس حملے میں مارے جانے والے 26 افراد کے حوالے سے کہا کہ بھارت ایسے حملوں کا مناسب جواب دینے کی صلاحیت رکھتا ہے۔

یہ بھی پڑھیں: 1965ء کی جنگ کے ہیرو میجر عزیز بھٹی کا آج 60 واں یوم شہادت منایا جا رہا ہے

سنسکرتی جاگرن مہوتسو میں خطاب

ہندوستان ٹائمز کے مطابق راج ناتھ سنگھ دہلی میں منعقدہ "سنسکرتی جاگرن مہوتسو" سے خطاب کر رہے تھے، جہاں انہوں نے کہا کہ وزیر اعظم نریندر مودی کے طرزِ عمل سے عوام بخوبی واقف ہیں، اور ان کی قیادت میں عوام کی خواہشات ضرور پوری ہوں گی۔

یہ بھی پڑھیں: کونسی بھارتی اداکارہ فلم کے سب سے زیادہ پیسے لیتی ہیں؟ جواب جان کر آپ کو یقین نہیں آئے گا

بھارت کی ثقافت اور روحانیت

ان کا کہنا تھا کہ بھارت کی طاقت صرف مسلح افواج میں نہیں بلکہ اس کی ثقافت اور روحانیت میں بھی پوشیدہ ہے۔ انہوں نے کہا کہ ہمارے سپاہی میدانِ جنگ میں ملک کی جسمانی سرحدوں کی حفاظت کرتے ہیں، جبکہ ہمارے سنت اور رشی زندگی کے میدان میں روحانی اقدار کی حفاظت کرتے ہیں۔

دشمن کو منہ توڑ جواب دینے کا عزم

راج ناتھ سنگھ نے مزید کہا کہ ملک کی سرحدوں کی حفاظت کرنا اور دشمن کو منہ توڑ جواب دینا ان کی ذمہ داری ہے، اور بھارت کسی بھی حملے کو برداشت نہیں کرے گا۔