بھارت سے ہر قسم کی اشیاء کی درآمد پر پابندی، نوٹیفکیشن جاری

حکومت پاکستان کی جانب سے بھارت سے درآمدات پر پابندی

اسلام آباد (ڈیلی پاکستان آن لائن) حکومت پاکستان نے حالیہ کشیدگی کے پیش نظر بھارت سے ہر قسم کی اشیاء کی درآمد پر پابندی عائد کر دی ہے جس کا نوٹیفکیشن بھی جاری کر دیا گیا۔

یہ بھی پڑھیں: دو سال سے ملزم جیل میں ہے، عدالت 727 دن بعد تفتیش کی اجازت نہ دے، وکیل سلمان صفدر

پابندی کا پس منظر

وزارت تجارت کی جانب سے جاری کردہ نوٹیفکیشن میں کہا گیا ہے کہ بھارت سے ہر قسم کی اشیاء کی درآمد پر پابندی لگانے کا فیصلہ وفاقی حکومت نے قومی سلامتی اور عوامی مفاد کے پیش نظر کیا۔

یہ بھی پڑھیں: احسن خان کی کرس گیل کے ساتھ ڈانس ویڈیو وائرل

نوٹیفکیشن کی تفصیلات

نوٹیفکیشن کے مطابق یہ فیصلہ درآمدات و برآمدات کنٹرول ایکٹ 1950 کی دفعہ 3 کی ذیلی دفعہ کے تحت کیا گیا ہے، جس کے مطابق انڈیا سے آنے والی اشیاء کی درآمد پر پابندی ہوگی۔ پاکستان سے سمندر، زمین یا ہوا کے ذریعے گزرنے والی بھارتی اشیا پر بھی پابندی عائد ہو گی۔

تأثیرات اور استثنیات

نوٹیفکیشن کے مطابق دیگر ممالک کی برآمدات جو انڈیا کے لیے ہوں، ان پر بھی پابندی ہوگی۔ اس آرڈر سے پہلے جاری ہونے والے لیٹر آف کریڈٹ پر اطلاق نہیں ہوگا، اور نئی پابندیوں کا اطلاق ان درآمدات یا برآمدات پر نہیں ہوگا جن کے لیے بل آف لیڈنگ پہلے جاری ہو چکے ہوں۔