جنوبی کوریا کے ایک ہوٹل سے جاننے والے کی رقم چرا کر بیرونِ ملک فرار کی کوشش کرنے والا چینی شخص ایئرپورٹ پر گرفتار

چینی شہری کی گرفتاری

سیول (رضا شاہ ) جنوبی کوریا کے شہر انچیون میں ایک چینی شہری کو اپنے جاننے والے کی رقم چرانے اور بیرونِ ملک فرار ہونے کی کوشش پر انچیون ایئرپورٹ سے گرفتار کر لیا گیا۔

یہ بھی پڑھیں: دہشتگردی کے خلاف کثیر الجہتی بین الاقوامی حکمت عملی تیار کی جائے: محسن نقوی

چوری کا واقعہ

کوریا کی انچیون پولیس اسٹیشن نے اطلاع دی ہے کہ انہوں نے چوری کے الزام میں 30 سالہ ایک چینی شہری کو ہنگامی طور پر گرفتار کیا ہے۔ اُس پر الزام ہے کہ اُس نے 2 مئی کی شام 6 بج کر 20 منٹ پر انچیون کے میچوہول ضلع میں واقع ایک ہوٹل کی لابی سے اپنے ساتھ قیام کرنے آئی 40 سالہ چینی خاتون کا نقدی سے بھرا بیگ چرا کر فرار ہونے کی کوشش کی۔

یہ بھی پڑھیں: زیادتی کے بعد قتل ہونے والی لڑکی کا کیس 36 سال بعد حل، قاتل کے بارے میں ایسا انکشاف کہ آپ کو بھی افسوس ہوگا

چوری کی مقدار

اطلاعات کے مطابق، متاثرہ کے بیگ میں 10 چیکس، 9 لاکھ ہانگ کانگ ڈالر وغیرہ موجود تھے جن کی مالیت تقریباً 10 لاکھ 75 ہزار امریکی ڈالر بنتی ہے۔

یہ بھی پڑھیں: تیسرا ون ڈے، جنوبی افریقہ کا پاکستان کو جیت کے لئے 144 رنز کا ہدف

تحقیقات کا عمل

تحقیقات سے معلوم ہوا کہ ملزم پہلے سے متاثرہ کو جانتا تھا اور اسے علم تھا کہ وہ ایک کاروبار چلاتی ہیں اور اُس کے پاس کثیر رقم موجود ہوتی ہے۔ اسی معلومات کی بنیاد پر اُس نے یہ جرم انجام دیا۔

گرفتاری کی تفصیلات

پولیس نے ہوٹل سے فرار ہونے کے بعد ملزم کے فرار کے راستے کا سراغ لگایا، اور 3 تاریخ کی علی الصبح انچیون ایئرپورٹ پر اُسے ہنگامی طور پر گرفتار کر لیا۔ پولیس اب مزید تحقیقات کے بعد ملزم کے خلاف گرفتاری کے وارنٹ کے لیے درخواست دے گی.