بھارتی آبی جارحیت کے خلاف مذمتی قرارداد پنجاب اسمبلی میں جمع

پنجاب اسمبلی میں قرارداد

لاہور (ڈیلی پاکستان لائن) پنجاب اسمبلی میں بھارتی آبی جارحیت کے خلاف حکومتی رکن حنا پرویز بٹ نے مذمتی قرار داد جمع کروا دی۔

یہ بھی پڑھیں: متحدہ عرب امارات میں ڈاکٹرز نے ایسی خاتون کی جان بچا لی جس کا دل 40 منٹ تک بند رہا

بھارت کی جانب سے معاہدے کی معطلی کی مذمت

نجی ٹی وی دنیا نیوز نے قرارداد کے متن کے حوالے سے بتایا کہ یہ ایوان بھارت کی جانب سے سندھ طاس معاہدہ معطل کرنے کی شدید مذمت کرتا ہے۔ بھارت عالمی بینک کی ثالثی میں طے پائے معاہدے کو ازخود معطل نہیں کرسکتا۔ بھارت پہلگام واقعہ کی بنیاد پر آبی جارحیت کررہا ہے۔

یہ بھی پڑھیں: بھارت کو پاکستان پر حملے کا جواب ملے گا، قوم پاک فوج کے ساتھ ہے: وزیراعظم

پاکستان کی خودمختاری کی حفاظت

متن میں کہا گیا ہے کہ پاکستان ایک ذمہ دار اور خود مختار ملک ہے۔ پاکستان اپنی سالمیت اور خودمختاری پر کوئی سمجھوتہ نہیں کرے گا۔ اگر بھارت کی جانب سے پاکستان میں کسی قسم کی دراندازی کی گئی تو پاک فوج بھرپور جواب دے گی۔

افواج پاکستان کے ساتھ یکجہتی

قرارداد میں یہ بھی کہا گیا ہے کہ یہ ایوان افواج پاکستان کے شانہ بشانہ کھڑا ہے۔