بجٹ میں 14 ہزار 200 ارب روپے کا ٹیکس ہدف مقرر، آئی ایم ایف کو آگاہ کردیا گیا

پاکستان اور آئی ایم ایف کے درمیان آن لائن رابطہ

اسلام آباد(ڈیلی پاکستان آن لائن) مالی سال 2025، 26 کے بجٹ کی تیاریوں کے سلسلے میں پاکستان اور آئی ایم ایف کے درمیان آن لائن رابطہ ہوگیا۔ حکام وزارت خزانہ نے ٹیکس کا ڈیٹا فراہم کردیا۔

یہ بھی پڑھیں: پنجاب میں 37087 مجالس، 9825 جلوسوں کی مانیٹرنگ، 1421 ذاکرین و مقررین کی ضلع بندی، 809 کی زباں بندی کے احکامات جاری

ایف بی آر کا ہدف

نجی ٹی وی سمانیوز کے مطابق ذرائع وزارت خزانہ کا کہنا ہے کہ ایف بی آر ہدف 14،200 ارب روپے رکھنے کی تجویز ہے، جو کہ جی ڈی پی کے 11 فیصد کے مساوی مقرر کرنے کی تجویز ہے۔ ایف بی آر کا ریونیو ہدف مقرر کرنے کیلئے ڈیٹا آئی ایم ایف سے شیئر کر دیا گیا ہے۔

یہ بھی پڑھیں: حسینہ واجد کے بینک لاکرز سے کتنا کلو گرام سونا ضبط کر لیا گیا۔۔؟ جان کر آپ کے ہوش ٹھکانے آ جائیں

ٹیکس ٹو جی ڈی پی تناسب

رواں مالی سال ٹیکس ٹو جی ڈی پی تناسب 10.6 فیصد رہنے کا تخمینہ لگایا گیا ہے، جبکہ آئندہ مالی سال کے لیے ٹیکس ٹو جی ڈی پی تناسب بڑھ کر 11 فیصد مقرر کرنے کا ہدف رکھا گیا ہے۔

یہ بھی پڑھیں: وہ کریں جو آپ کی بیگم کہتی ہے: فلک شبیر کا شوہروں کو مشورہ

دیگر مالیاتی ہدف

رواں ماہ مئی کیلئے 950 ارب روپے سے زائد کا ہدف مقرر کیا گیا ہے، اور رواں مالی سال ایف بی آر 11 ہزار800 ارب روپے تک ٹیکس جمع کر سکے گا۔ عدالتوں میں ٹیکس کیسز سے 500 ارب روپے حاصل کرنے کا تخمینہ لگایا گیا ہے۔

یہ بھی پڑھیں: اسرائیلی فوجی ترجمان کو پریس کانفرنس روکنی پڑی

ٹیکس کیسز کی اہمیت

اگر ٹیکس کیسز میں ریکوری نہ ہوئی تو 12 ہزار 334 ارب کا ہدف حاصل نہیں ہوگا۔ ٹیکس کیسز میں ناکامی کی صورت میں نظرثانی ٹارگٹ میں 500 ارب کا شارٹ فال ہوگا۔ ایف بی آر کا نظرثانی شدہ ہدف سے قبل 12 ہزار 970 ارب روپے تھا، جس کے مقابلے میں رواں مالی سال 1170 ارب کا ریونیو شارٹ فال ہو سکتا ہے۔

آئی ایم ایف وفد کا دورہ

ذرائع وزارت خزانہ کے مطابق، آئی ایم ایف کا وفد 14 سے 22 مئی تک پاکستان کا دورہ کرے گا، جہاں آئی ایم ایف سے مذاکرات میں ٹیکس سمیت بجٹ اہداف کو حتمی شکل دی جائے گی۔