کوئی سمجھوتہ نہیں، وزیر تعلیم نے سکولوں میں سہولیات کا فقدان دور کرنے کیلئے 4 ماہ کی ڈیڈ لائن دیدی

وزیر تعلیم کی نئی ہدایات

لاہور (ڈیلی پاکستان آن لائن) وزیر تعلیم رانا سکندر حیات نے محکمہ تعلیم کو سکولوں میں سہولیات کا فقدان دور کرنے کے لیے 4 ماہ کی ڈیڈ لائن دیدی۔

یہ بھی پڑھیں: دبئی میں پاکستانی قونصلیٹ کے زیر اہتمام کیریئر فیئر 2025 کا پہلا مرحلہ کامیابی سے مکمل، دوسرا مرحلہ 18 جون کو ہوگا

تعلیمی سہولیات کی بہتری

تفصیلات کے مطابق وزیر تعلیم پنجاب نے تمام سی ای اوز کو صاف پانی سمیت دیگر مسنگ فیسلیٹیز 120 دن میں دور کرنے کی ہدایت کر دی۔ انہوں نے سی ای اوز اور ڈی ای اوز کانفرنس سے خطاب کرتے ہوئے تعلیم کے افسران پر واضح کیا کہ سروس ڈیلیوری پر کوئی سمجھوتہ نہیں ہوگا۔

یہ بھی پڑھیں: پنجاب کابینہ کا 19واں اجلاس، گوردواروں اور اقلیتی عبادت گاہوں کی بحالی کا حکم، آرٹسٹ خدمت کارڈ کی گرانٹ بڑھانے کی منظوری

فنڈز کی فراہمی

وزیر تعلیم نے کہا کہ سہولیات کا فقدان دور کرنے کے لیے وافر فنڈز فراہم کیے جائیں گے۔ جہاں وسائل کی فراہمی کی ضرورت ہو، وہاں فنڈز خرچ کرنے سے گریز نہیں کیا جائے گا۔ آئندہ مالی سال میں تعلیمی بجٹ پر خصوصی توجہ دی جا رہی ہے، اور ہم گلوبل سٹینڈرڈ کے مطابق ایجوکیشن سسٹم کی تشکیل کر رہے ہیں۔

یہ بھی پڑھیں: پاکستان کا الفتح میزائل کا کامیاب تجربہ

تعلیمی نظام کی اصلاح

وزیر نے مزید کہا کہ اگر محکمہ تعلیم کے ماضی کی طرف دیکھا جائے تو آج تعلیمی حالات پہلے سے بہتر دکھائی دیتے ہیں۔ سسٹم سے طاقتور کچھ نہیں ہے، ہمیں مل کر تعلیمی نظام کی اصلاح کرنی ہے۔ اس سلسلے میں تمام ضلعی تعلیمی افسران کی کارکردگی کا بھی جائزہ لیا جا رہا ہے۔

سکول لائبریریوں اور لیبز کی اپ گریڈیشن

رانا سکندر حیات نے تعلیمی افسران کو ہدایت کی کہ سکول لائبریریوں کو اپ گریڈ کیا جائے، اور شام کے اوقات میں لائبریریوں کو بچوں کے استفادہ کے لیے کھلا رکھا جائے۔ انہوں نے سکولوں میں کمپیوٹر اور سائنس لیبز کی اپ گریڈیشن پر بھی خصوصی توجہ دینے کی ہدایات دیں۔