آرمی چیف جنرل عاصم منیر سے ایرانی وزیر خارجہ عباس عراقچی کی ملاقات

آرمی چیف کی ملاقات

راولپندی (ڈیلی پاکستان آن لائن) آرمی چیف جنرل سید عاصم منیر سے ایران کے وزیر خارجہ سید عباس عراقچی نے ملاقات کی، جس میں جیو اسٹریٹیجک ماحول پر تعمیری بات چیت ہوئی۔

یہ بھی پڑھیں: گھریلو ناچاقی اور اہلیہ کے الزامات نے معروف پاکستانی فیشن ڈیزائنر کی شہرت کو ہلا کر رکھ دیا، چوتھی اہلیہ نے کیس دائر کردیا

سیکیورٹی چیلنجز پر تبادلہ خیال

آئی ایس پی آر کے مطابق ملاقات میں سیکیورٹی کے شعبے میں دونوں ممالک کو درپیش چیلنجز پر توجہ مرکوز کی گئی۔ پاک ایران بارڈر سیکیورٹی میکنزم کا جائزہ لیا گیا تاکہ دو طرفہ تعاون مزید مؤثر بنایا جا سکے۔ آرمی چیف نے اس بات کا اعادہ کیا کہ پاکستان اور ایران برادر ہمسایہ ممالک ہیں، دونوں ممالک کو تاریخ، ثقافت اور مذہب کے گہرے رشتے آپس میں جوڑتے ہیں۔