کوہستان میں مالی سکینڈل: انٹرنل انکوائری 3 دن میں مکمل کرنے کی ہدایت

پشاور میں مالی سکینڈل کی تحقیقات

پشاور(ڈیلی پاکستان آن لائن) خیبرپختونخوا اسمبلی کی پبلک اکا ؤنٹس کمیٹی نے کوہستان میں مالی سکینڈل سے متعلق انٹرنل انکوائری 3 دن میں مکمل کرنے کی ہدایت کردی۔

یہ بھی پڑھیں: بھارت میں شیڈول ٹی ٹوینٹی ورلڈ کپ کے ممکنہ گروپس اور شیڈول سامنے آ گیا

اجلاس کی تفصیلات

نجی ٹی وی جیونیوز کے مطابق، خیبر پختونخوا اسمبلی کی پبلک اکا ؤنٹس کمیٹی کا اجلاس سپیکر کے پی اسمبلی بابر سلیم سواتی کی زیر صدارت ہوا، جس میں متعلقہ حکام نے شرکت کی۔ اجلاس میں کوہستان میں مالی سکینڈل سے متعلق انٹرنل انکوائری 3 دن میں مکمل کرنے کی ہدایت کرتے ہوئے محکمہ خزانہ، سی اینڈ ڈبلیو اور اکاﺅنٹنٹ جنرل آفس کو اگلے اجلاس میں رپورٹ پیش کرنے کا کہا گیا ہے۔

یہ بھی پڑھیں: بابر اور رضوان کے اسٹرائیک ریٹ اور پچھلے کچھ میچوں میں کارکردگی پر بات کی تھی، ہیڈ کوچ

سپیکر کا بیان

اس موقع پر بابر سلیم سواتی نے کہا کہ سکینڈل 36 ارب کا نہیں بلکہ 200 ارب روپے کا لگ رہا ہے۔ انہوں نے مزید کہا کہ تمام متعلقہ محکمے برابر کے ذمہ دار ہیں اور ہر ایک بدعنوانی میں اپنے حصے کے لئے لڑ رہا ہے۔ انہوں نے ہدایت کی کہ جو لوگ اس میں ملوث ہیں، انہیں معطل کیا جائے ورنہ عوام ہم پر ہنسیں گے۔

یہ بھی پڑھیں: انٹرنیشنل کیک ڈے پر ٹی ڈی سی پی انسٹیٹیوٹ آف ٹورازم اینڈ ہوسپٹیلٹی مینجمنٹ میں تقریب

عوامی تشویش

انہوں نے کہا کہ عوام کو پتہ چلنا چاہئے کہ ہمارے ادارے کتنی بدعنوانی کررہے ہیں۔ یہ سلسلہ بند ہوگا اور تمام ذمہ داروں کو قانون کے کٹہرے میں لایا جائے گا۔

اپوزیشن اراکین کی تشویش

دوسری جانب خیبر پختونخوا اسمبلی میں اپوزیشن اراکین کا کہنا تھا کہ جعلی کنسٹرکشن کمپنی اور ہزار سے زائد چیک نکال کر سرکاری محکموں نے خورد برد کی ہے۔ اس بدعنوانی میں مقامی نہیں بلکہ دیگر لوگ بھی ملوث پائے گئے ہیں۔ رقوم کی نہیں بلکہ پس منظر پر بھی نظر رکھنی ہوگی۔ ترقیاتی بجٹ کے بغیر کوہستان میں اربوں روپے نکالے گئے۔