وزیراعظم شہباز شریف نے وفاقی کابینہ کا اہم ترین اجلاس طلب کرلیا

وزیراعظم کا اہم اجلاس طلب

اسلام آباد(ڈیلی پاکستان آن لائن) وزیراعظم شہباز شریف نے وفاقی کابینہ کا اہم ترین اجلاس کل طلب کرلیا ہے۔ اجلاس میں بھارت سے کشیدہ صورتحال پر مشاورت کی جائے گی۔

یہ بھی پڑھیں: بھارت کو پاکستان کے بھر پور جواب کے بعد سابق لیفٹیننٹ جنرل آصف غفور کا بیان سامنے آ گیا

اجلاس کی تفصیلات

جیو نیوز کے مطابق وفاقی کابینہ کا یہ اجلاس کل شام 4 بجے منعقد ہوگا، جس کی صدارت وزیراعظم شہباز شریف کریں گے۔ اجلاس میں پاک بھارت کشیدگی اور موجودہ صورتحال پر مشاورت کی جائے گی۔

یہ بھی پڑھیں: سینئر صحافی حبیب اکرم کی ملکی حالات پر سوال کرنے پر اکابرین کے حقارت بھرے لہجے پر ددرمندانہ گزارشات

سیکیورٹی صورتحال کی بریفنگ

اجلاس کے دوران ملکی داخلی اور سرحدی سیکیورٹی صورتحال پر بھی بریفنگ دی جائے گی۔ اس کے ساتھ ہی وفاقی کابینہ کے اجلاس میں آئندہ بجٹ کی تیاریوں پر بھی غور کیاجائے گا۔

اجلاس کی جگہ اور وقت

اجلاس بدھ کی شام 4 بجے وزیراعظم ہاؤس میں منعقد ہوگا۔