پاکستان کی امریکا سے سالانہ درآمدات میں اضافہ

پاکستان کی امریکا سے درآمدات میں اضافہ

اسلام آباد (ڈیلی پاکستان آن لائن) پاکستان کی امریکا سے درآمدات میں سالانہ بنیادوں پر اضافہ ریکارڈ کیا گیا ہے۔ جیو نیوز کے مطابق، صدر ڈونلڈ ٹرمپ کے اقتدار میں آنے کے بعد پاکستان کی امریکا کے لیے برآمدات میں بھی سالانہ بنیادوں پر اضافہ ہوا ہے۔ مارچ 2025ء میں، سالانہ بنیاد پر امریکا سے درآمدات میں 110 فیصد کا غیر معمولی اضافہ ریکارڈ کیا گیا۔

یہ بھی پڑھیں: قطب مینار سے اجمیر شریف کی درگاہ تک: بھارت میں 10 سے زائد مقامات جہاں ‘مندر مسجد’ کا تنازع جاری ہے

مارچ 2025 کی درآمدات کا حجم

اس سال مارچ میں امریکا سے درآمدات کا حجم 18 کروڑ 30 لاکھ ڈالرز رہا، جبکہ گزشتہ سال مارچ میں یہ حجم 8 کروڑ 70 لاکھ ڈالرز تھا۔ فروری 2025ء میں سالانہ بنیادوں پر امریکا سے درآمدات میں 75 فیصد اضافہ ہوا، جس کا حجم 12 کروڑ 99 لاکھ ڈالرز تھا۔ گزشتہ سال اسی مدت میں امریکا سے درآمدات 7 کروڑ 42 لاکھ ڈالرز تھیں۔ رواں مالی سال کے پہلے 9 ماہ میں امریکا سے درآمدات میں 28 فیصد اضافہ دیکھنے میں آیا۔ جولائی 2024ء سے مارچ 2025ء تک امریکا سے درآمدات 1 ارب 19 کروڑ 50 لاکھ ڈالرز رہیں، جو گزشتہ برس اسی مدت میں 93 کروڑ 40 لاکھ ڈالرز تھیں۔

یہ بھی پڑھیں: پاکستان کی معروف کمپنی نے اپنی گاڑی 20 لاکھ روپے سستی کرنے کا اعلان کر دیا

پاکستانی برآمدات میں اضافہ

رواں مالی سال کے پہلے 9 ماہ میں امریکا کے لیے پاکستانی برآمدات میں 12 فیصد اضافہ ریکارڈ کیا گیا۔ جولائی 2024ء سے مارچ 2025ء تک امریکا کے لیے برآمدات کا حجم 4 ارب 34 کروڑ 60 لاکھ ڈالرز رہا، جو گزشتہ سال اسی مدت میں 3 ارب 89 کروڑ ڈالرز تھیں۔ مارچ 2025ء میں امریکا کے لیے برآمدات میں 9 فیصد اضافہ ہوا۔

مارچ اور فروری 2025 کی برآمدات

حکومتی ذرائع کے مطابق مارچ 2025ء میں امریکا کے لیے پاکستانی برآمدات 47 کروڑ 10 لاکھ ڈالرز رہیں، جب کہ گزشتہ برس مارچ میں یہ حجم 43 کروڑ 10 لاکھ ڈالرز تھا۔ فروری 2025ء میں امریکا کے لیے سالانہ بنیادوں پر برآمدات میں 7 فیصد کا اضافہ دیکھا گیا، جس میں اس سال فروری میں برآمدات کا حجم 43 کروڑ 67 لاکھ ڈالرز تھا اور گزشتہ سال فروری میں یہ حجم 40 کروڑ 62 لاکھ ڈالرز تھا۔