نواز شریف میڈیکل ڈسٹرکٹ کا جامع پلان طلب، ہر نمایاں شہر میں کارڈیالوجی سینٹر بنانے کا اصولی فیصلہ

وزیراعلیٰ پنجاب کی ہدایت

لاہور (ڈیلی پاکستان آن لائن) وزیراعلیٰ پنجاب مریم نواز نے سرکاری ہسپتالوں کے لیے جدید ترین طبی آلات خریدنے اور مریضوں کی ضرورت کے پیش نظر طبی آلات فراہم کرنے کی ہدایت کی۔

یہ بھی پڑھیں: سیٹ پر پہلی ملاقات اور پھر شادی، ہر رات بیوی کے پاؤں دبا کر سوتا ہوں‘‘ اداکار احمد حسن نے ازدواجی زندگی سے متعلق دلچسپ انکشاف کردیا

اجلاس کی تفصیلات

وزیراعلیٰ مریم نواز کی زیرِ صدارت ایک خصوصی اجلاس ہوا جس میں ہیلتھ کے تمام پراجیکٹس کا تفصیلی جائزہ لیا گیا۔ وزیراعلیٰ نے نواز شریف میڈیکل ڈسٹرکٹ کا جامع پلان طلب کیا۔

یہ بھی پڑھیں: پاک بھارت کشیدگی، دونوں ملکوں میں 550 شیڈول پروازیں منسوخ

نئے پروجیکٹس

اس موقع پر نواز شریف میڈیکل ڈسٹرکٹ میں سکول آف پیرا میڈیکس بنانے کی تجویز پر اتفاق کیا گیا۔ اجلاس میں انسٹیٹیوٹ آف جینٹک اینڈ بلڈ ڈیزیز نواز شریف میڈیکل ڈسٹرکٹ بنانے کا فیصلہ بھی کیا گیا۔ مزید یہ کہ سرجیکل آرتھوپیڈک میڈیسن ری ہیبلی ٹیشن بھی بنایا جائے گا۔

یہ بھی پڑھیں: منڈی سے قربانی کے بکرے رکشے میں لوڈ کر کے فرار ہونے والا ملزم گرفتار کر لیا گیا

پراجیکٹس کی بروقت تکمیل

وزیراعلیٰ مریم نواز نے لیڈی ولنگٹن ہسپتال پراجیکٹ کی 6 ماہ میں تکمیل کی ہدایت کی اور زیرِ تکمیل ہیلتھ پراجیکٹس کی بروقت تکمیل کے لیے اقدامات کا حکم دیا۔ اجلاس میں ہر نمایاں شہر میں کارڈیالوجی سینٹر بنانے کا اصولی فیصلہ بھی کیا گیا۔

یہ بھی پڑھیں: متحدہ عرب امارات کے صدر شیخ محمد بن زاید النہیان نے امریکی صدر ڈونلڈ ٹرمپ کے ’بورڈ آف پیس‘ میں شمولیت کی دعوت قبول کرلی

راولپنڈی چلڈرن ہسپتال

وزیر اعلیٰ مریم نواز نے راولپنڈی میں چلڈرن ہسپتال کی تکمیل کے لیے فنڈز کے اجراء کی ہدایت کی اور چلڈرن ہسپتال راولپنڈی کے لیے بہترین ڈاکٹر کی خدمات حاصل کرنے کا حکم دیا۔

پراجیکٹس کی مکمل بریفنگ

اجلاس میں وزیراعلیٰ کو سپیشلائزڈ ہیلتھ کیئر اینڈ میڈیکل ایجوکیشن کے جاری اور نئے پراجیکٹس پر مکمل بریفنگ دی گئی۔ مریم نواز نے کہا کہ 60 فیصد سے زائد مکمل پراجیکٹس کی جلد تکمیل پر توجہ دی جائے۔ ہیلتھ پراجیکٹس میں تاخیر سے عوام کو مشکلات کے ساتھ ساتھ لاگت بھی بڑھ جاتی ہے۔