پی ٹی اے نے 16 بھارتی یوٹیوب نیوز چینلز بلاک کردیئے
یوٹیوب چینلز کی بندش
اسلام آباد (ڈیلی پاکستان آن لائن) پاکستان ٹیلی کمیونی کیشن اتھارٹی (پی ٹی اے) نے پاکستان مخالف پراپیگنڈا پھیلانے پر بھارت کے 16 یوٹیوب نیوز چینلز بلاک کردیے ہیں۔
یہ بھی پڑھیں: راولپنڈی، 12 سالہ بچے سے مسجد میں مبینہ زیادتی، مقدمہ درج
مزید بلاک کردہ مواد
روز نامہ جنگ نے پی ٹی اے اعلامیے کے حوالے سے بتایا کہ 16 یوٹیوب نیوز چینلز کے ساتھ 31 یوٹیوب ویڈیو لنکس اور 32 ویب سائٹس بھی بلاک کردی گئیں۔
یہ بھی پڑھیں: ملکی ترقی کے لیے ملک میں بدلے لینے کی سیاست کو ختم کرنا ہوگا، حافظ عبدالکریم
قومی سلامتی کی تحفظ
اعلامیے کے مطابق یوٹیوب چینلز، ویڈیو لنکس اور ویب سائٹس کی بندش علاقائی صورتحال کے پیش نظر کی گئی، یہ اقدام قومی سلامتی، پاکستان کے ڈیجیٹل ماحولیاتی نظام کے تحفظ کے پیش نظر اٹھایا گیا۔
یہ بھی پڑھیں: فضائی حدود میں ممکنہ دراندازی کی اطلاعات کے پیش نظر امریکی سفارتخانے نے لاہور قونصلیٹ کے عملے کے لیے سیکیورٹی الرٹ جاری کردیا
مضر مواد کا مقصد
پی ٹی اے اعلامیے کے مطابق بلاک کئے گئے مواد میں گمراہ کن اور نقصان دہ بیانیے شامل تھے، اس مواد کا مقصد عوامی رائے کو متاثر کرنا اور قومی یکجہتی کو نقصان پہنچانا تھا۔
یہ بھی پڑھیں: سیکیورٹی خدشات، متحدہ عرب امارات سے فلائٹ آپریشن بحال نہ ہوسکا
پی ٹی اے کی عزم
اعلامیے کے مطابق پی ٹی اے ٹیلی کام صارفین کے لیے محفوظ و قابل اعتماد اور انٹرنیٹ ماحول کی فراہمی کے لیے پرعزم ہے۔
مستقبل کی نگرانی
پی ٹی اے اعلامیے کے مطابق اتھارٹی آن لائن مواد کی نگرانی جاری رکھے گی، قومی مفادات کے خلاف مواد پر سخت کارروائی عمل میں لائی جائے گی۔
