بلوائی کسی بھی وقت حملہ آور ہو سکتے تھے، دادا جان نے مسلمانوں کو فوری پاکستان جانے کیلئے آمادہ کیا،گاؤں کے لوگ سکھوں کے احسان مند تھے

مصنف کی معلومات

مصنف: رانا امیر احمد خاں
قسط: 28

یہ بھی پڑھیں: پنجاب میں چلڈرن ہارٹ سرجری پروگرام کے تحت 530 بچوں کی کامیاب سرجری، سپیشل ڈیش بورڈ کے ذریعے مانیٹرنگ بھی جاری

خطرے کا احساس

آئندہ بھی بلوائی کسی بھی وقت ہمارے گاؤں پر حملہ آور ہو سکتے تھے۔ اس خطرے کے پیش نظر دادا جان نے اپنے گاؤں کے مسلمانوں کو فوری طور پر پاکستان جانے کے لیے آمادہ کیا۔ ان دنوں والدہ میکے گئی ہوئی تھیں۔ ہمارے گاؤں دھین پور سے ہمارا قافلہ انبالہ جانے کے لیے روانہ ہوا۔

یہ بھی پڑھیں: سکیورٹی خدشات کے باعث ایک ماہ سے بند بلوچستان یونیورسٹی میں تدریسی عمل بحال

سکھوں کی مدد

گاؤں سے رجولی کیمپ تک ہمارے گاؤں کے سِکھ ہماری حفاظت کے لیے ہمارے ساتھ تھے۔ دوستی نبھانے پر ہمارے دادا اور گاؤں کے لوگ سکھوں کے بے حد احسان مند تھے۔

یہ بھی پڑھیں: بابر اعظم کے لیے کس بیٹنگ پوزیشن پھر کھیلنا بہتر ہے؟ تجربہ کار بیٹر محمد یوسف نے بتا دیا۔

رجولی کیمپ میں قیام

رجولی کیمپ میں ہم قریباً 20 روز قیام پذیر رہے۔ اس دوران ایک چشم دید واقعہ، جو میں زندگی بھر نہیں بھول سکتا، وہ یہ ہے کہ اپنے گاؤں کے نمبردار کو میں نے بے حد غمزدہ دیکھا۔ کئی روز تک اْن کے آنسو تھمنے کو نہیں آ رہے تھے۔

یہ بھی پڑھیں: لیسکو کی جانب سے ریکوری کے عمل میں تیزی، 283 نادہندگان سے کتنے واجبات وصول کر لیے گئے۔ جان کر آپ حیران رہ جائیں

نمبردار کا درد

چنانچہ میں نے پوچھ لیا، نمبردار صاحب آپ کیوں روتے نظر آتے ہیں؟ نمبردار صاحب کا کہنا تھا، "بیٹا آپ بہت چھوٹے ہیں، آپ نہیں جانتے کہ اپنے گھروں، زمینوں اور باغات کو چھوڑ کر بے گھر ہو جانا کتنی تکلیف دہ بات ہے۔" ہم ہجرتِ نبویؐ کے مطابق اللہ اور رسول صلی اللہ علیہ وآلہ وسلم کے نام، اور قائد اعظمؒ کی آواز پر لبیک کہتے ہوئے پاکستان جا رہے ہیں۔ اللہ ہمارا حامی و ناصر ہو۔

یہ بھی پڑھیں: انڈیا میں درجنوں مسافر طیاروں میں بم کی افواہوں کی وجہ سے پروازوں میں تاخیر اور ہنگامی لینڈنگ کا سلسلہ جاری

مہاجرین کی تعداد

میں نے بڑے ہو کر نمبردار صاحب کی باتوں پر غور کیا۔ یقیناً یہ ہجرت مہاجرین کی تعداد کے اعتبار سے دنیا کی سب سے بڑی ہجرت تھی، جس میں تقریباً 90 لاکھ مسلمان بھارت سے پاکستان آئے اور قریباً 15 لاکھ مسلمان مرد، عورتیں اور بچے شہید ہوئے۔

یہ بھی پڑھیں: نیا ریکارڈ! اسٹاک مارکیٹ نے 86 ہزار پوائنٹس کی نفسیاتی حد عبور کر لی

ماموں کی آمد

دوسری طرف ہمارے بڑے ماموں تاج محمد، جو کہ انگریز فوج میں بطور حوالدار ملازم تھے اور دوسری جنگ عظیم کے خاتمہ کے بعد جاپان میں قید تھے، اچانک ماہِ اکتوبر میں اپنے گاؤں پنجلاسہ پہنچے۔ ماموں فوجی ٹرک میں آئے تھے اور ان کے ساتھ چند مسلمان فوجی بھی تھے۔

یہ بھی پڑھیں: بینکوں کو 6روز میں 15ہزار 844حج درخواستیں موصول، سب سے زیادہ کس شہر سے آئیں؟جانیے

امن و امان کی صورتحال

پنجلاسہ میں امن و امان کی حالت بہت مخدوش تھی۔ مقامی غیر مسلم دلت لوگ مسلمانوں کے گھروں کو آگ لگا رہے تھے۔ اس صورتحال میں ماموں نے اپنے خاندان والوں کو ٹرک میں بٹھایا اور انبالہ کے لئے روانہ ہو گئے۔

یہ بھی پڑھیں: پارٹی رہنما عمران خان کی ہدایات پر پوری طرح عمل نہیں کرتے، اس لیے بشریٰ بی بی کو عملی میدان میں آگے لایا گیا، مشعال یوسفزئی

نئے آنے والے خوشخبری

ابھی راستے میں ماموں رجولی گاؤں ہمارے کیمپ تک نہ پہنچے تھے کہ میری والدہ نے میرے چھوٹے بھائی شبیر احمد خاں کو جنم دیا۔ دادا کے گاؤں کا قافلہ دھین پور سے رجولی کیمپ میں پہلے سے مقیم تھا۔ رجولی کیمپ پہنچ کر میرے ماموں اپنی بہن (میری والدہ)، والد صاحب، تاجے ملازم اور ہم بچوں کو بھی فوجی ٹرک میں اپنے ساتھ بٹھا کر انبالہ لے گئے۔ (جاری ہے)

نوٹ

یہ کتاب "بک ہوم" نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔