وزیراعلیٰ پنجاب کا اہم فیصلہ، سول ڈیفنس اور ریسکیو 1122 کی فرضی مشقیں شروع

لاہور (ویب ڈیسک) پاک بھارت کشیدگی کے تناظر میں وزیراعلیٰ پنجاب مریم نواز نے اہم فیصلہ کیا ہے اور صوبے میں سول ڈیفنس اور ریسکیو 1122 کی فرضی مشقیں شروع کروادی ہیں۔ محکمہ سول ڈیفنس کو پوری طرح فعال کرنے اور مشقوں کا آغاز کردیا گیا۔

ضلع انتظامیہ کی مانیٹرنگ

تفصیل کے مطابق وزیراعلی مریم نواز شریف نے ضلعی انتظامیہ کو سول ڈیفنس ایکسرسائز کی مانیٹرنگ کی ہدایت بھی کی، اسی طرح ریسکیو 1122 نے بھی مختلف شہروں میں موک ایکسرسائز کرنے کا آغاز کر دیا۔

ہنگامی حالات سے نمٹنے کی تیاری

ہنگامی حالات سے نمٹنے کیلئے اور خطرات سے بچاؤ کے لئے ریسکیو 1122 کی فرضی مشقیں بھی شروع ہوگئی ہیں، سول ڈیفنس اور ریسکیو 1122 کو ہمہ وقت مستعد رہنے کی ہدایت کردی گئی ہے۔

مقامی شہروں میں مشقوں کا آغاز

راولپنڈی، مری، جہلم، چکوال، سرگودھا، نارووال، گوجرانوالہ، حافظ آباد، سیالکوٹ، ساہیوال، پاکپتن، ملتان، خانیوال، مظفرگڑھ، لیہ، وہاڑی، حافظ آباد اور دیگر شہروں میں موک ایکسرسائز جاری ہے۔