سندھ کے کئی مقامات پر بارش کا امکان، کراچی کا موسم کیسا رہے گا؟
بارش کی پیشگوئی
کراچی (ڈیلی پاکستان آن لائن) کراچی کے مضافات میں آج سے بارش کا امکان ہے۔
یہ بھی پڑھیں: بلال مقصود نے سوشل میڈیا پر کراچی کے پارک میں موجود مردہ کوؤں کی ویڈیو شیئر کردی، یہ ماجرا کیا ہے؟
محکمہ موسمیات کی معلومات
نجی ٹی وی جیو نیوز کے مطابق محکمہ موسمیات کی جانب سے بتایا گیا ہے کہ مغربی لہر ملک کے بالائی و وسطی علاقوں کو متاثر کر رہی ہے، جس کے سبب آج سے یہ سسٹم ملک کے جنوبی علاقوں کو متاثر کرے گا۔
یہ بھی پڑھیں: پولیس افسران کی اکثریت ایمانداری سے تفتیش نہیں کر سکتی نوکری خطرے میں ہوتی ہے، سیاستدان ایماندار افسران اپنے علاقے میں برداشت نہیں کر سکتے
آندھی اور بارش کی توقعات
محکمہ موسمیات نے بتایا کہ آج اور کل سندھ کے کئی مقامات پر آندھی اور گرج چمک کے ساتھ بارش کا امکان ہے جبکہ کراچی کے مضافات میں آج سے ہفتے کے دوران بارش متوقع ہے۔
کراچی کا موسم
کراچی کے موسم کے حوالے سے محکمہ موسمیات نے مزید بتایا کہ کراچی میں آئندہ تین روز موسم گرم اور مرطوب رہے گا، جس دوران زیادہ سے زیادہ درجہ حرارت 35 سے 37 ڈگری سینٹی گریڈ تک ریکارڈ کیا جا سکتا ہے۔
