لیسکو وار روم فعال ہوگیا،مانیٹرنگ شروع، عملہ ہنگامی صورتحال سے نمٹنے کے لیے 24 گھنٹے موجود رہے گا۔

لیسکو وار روم کا قیام

لاہور ( طیبہ بخاری سے ) لیسکو وار روم فعال ہوگیا جس میں پاک، بھارت حالیہ کشیدہ صورتحال کو مسلسل مانیٹر کیا جارہا ہے۔

یہ بھی پڑھیں: وزیراعلیٰ مریم نواز اناطولیہ پہنچ گئیں، ڈپلومیسی فورم 2025ء کے تحت بین الاقوامی کانفرنس سے خطاب کریں گی

ذمہ داریوں کی تقسیم

تفصیلات کے مطابق چیف ایگزیکٹو لیسکو انجینئر محمد رمضان بٹ کی جانب سے پاور ڈسپیچ سنٹر کو وار روم قرار دینے کے بعد چیف انجینئر او اینڈ ایم ندیم ملک نے ذمہ داریاں سنبھال لی ہیں۔ چیف انجینئر پی اینڈڈی فیصل زکریا نے بھی ذمہ داریاں سنبھالی ہیں جبکہ آپریشن ڈائریکٹر اعجاز بھٹی نے بھی پی ڈی سی پہنچ کر انتظامات کا جائزہ لیا۔

یہ بھی پڑھیں: ہرینی امر سوریا سری لنکا کی دوبارہ وزیراعظم مقرر

مستعدی سے فرائض کی ادائیگی

چیف ایگزیکٹو لیسکو کی ہدایت پر قائم کردہ وار روم میں لیسکو حکام کی جانب سے صورتحال کو مسلسل مانیٹر کیا جارہا ہے۔ اس وقت چیف انجینئر او اینڈ ایم ندیم ملک وار روم میں اپنے ساتھیوں کے ہمراہ صارفین کو بجلی کی بلا تعطل فراہمی کو یقینی بنانے کے لیے مستعدی سے فرائض انجام دے رہے ہیں۔

ہنگامی صورتحال سے نمٹنے کے لیے تیاری

وار روم میں لیسکو کا عملہ کسی بھی ہنگامی صورتحال سے نمٹنے کے لیے 24 گھنٹے موجود رہے گا، اس مقصد کے لیے لیسکو چیف کی جانب سے 3 چیف انجینئرز کو پی ڈی سی میں تعینات کردیا گیا ہے۔ مذکورہ چیف انجینئرز 3 شفٹوں میں پی ڈی سی میں ذمہ داریاں انجام دیں گے۔