پاکستان میں ایسے نوجوان ہیں جو موت سے محبت کرتے ہیں، پاک بھارت کشیدگی پر رضوان کا بیان

محمد رضوان کا بیان

لاہور(ڈیلی پاکستان آن لائن) قومی ون ڈے کرکٹ ٹیم کے کپتان اور وکٹ کیپر بیٹر محمد رضوان کا پاک بھارت کشیدگی کے حوالے سے بیان سامنے آگیا۔

یہ بھی پڑھیں: سی ایم انسپکشن ٹیم گوجرانوالہ ٹیچنگ ہسپتال پہنچ گئی، بدانتظامی پر نئی ایم ایس اور پرنسپل فارغ

سوشل میڈیا پر جاری بیان

سوشل میڈیا پر جاری بیان میں محمد رضوان کا کہنا تھا کہ ہم نے اللہ تعالیٰ کے پاک کلام سے یہ سیکھا ہے کہ جنگ نہ کرو لیکن اگر تم پر جنگ مسلط کر دی جائے تو پھر پیچھے نہ ہٹو۔

یہ بھی پڑھیں: یو این سیکریٹری جنرل اور صحافیوں کی عالمی تنظیم CPJ کی ایرانی ٹی وی چینل پر حملے کی مذمت

پاکستان کی صورتحال

محمد رضوان کا کہنا تھا کہ پاکستان ایک طویل عرصے سے دہشت گردی کا شکار رہا ہے، ہماری نسلیں گولیوں کی تڑتڑاہٹ اور دھماکوں کی گونج سن کر بڑی ہوئی ہیں، اس مٹی میں شہیدوں کا لہو شامل ہے اور یہاں آج بھی ایسے نوجوان زندہ ہیں جو موت سے ویسے ہی محبت کرتے ہیں جیسے کچھ لوگ زندگی سے کرتے ہیں۔

یہ بھی پڑھیں: شاہ محمود قریشی سے پی کے ایل آئی میں فواد چوہدری، عمران اسماعیل اور دیگر رہنماؤں کی ملاقات

قوم کی طاقت

ان کا کہنا تھا کہ ایسی قوم کو کوئی شکست نہیں دے سکتا، ان پر مسلط کی گئی ہر جنگ انہیں مزید جوڑتی ہے، جگاتی ہے اور مضبوط بناتی ہے۔

حوصلہ اور یقین

محمد رضوان کا کہنا تھا کہ یہ پیغام ان سب کے لیے ہے جو سمجھنے کی صلاحیت رکھتے ہیں۔ ہم نے حوصلہ رکھنا ہے، یقین رکھنا ہے، نہ ظلم کرنا ہے نہ ظلم سہنا ہے۔