رافیل کا تباہ ہونا شدید شرمندگی اور دھچکا ہے، فرانسیسی اخبار نے بھارتی فضائیہ کی کارکردگی پر سوال اٹھا دیا

بھارتی فضائیہ کی کارکردگی پر سوالات

لاہور (خصوصی رپورٹ) معروف فرانسیسی اخبار نے بھارتی فضائیہ کی کارکردگی پر سوال اٹھا دیا۔

یہ بھی پڑھیں: بینظیر انکم سپورٹ پروگرام کے مستحقین تک رقوم پہنچانے کے لیے 6 بینک سالانہ ساڑھے 4 ارب روپے سروس چارجز وصول کرتے ہیں، حکام

چوٹ اور شرمندگی کی حقیقت

تفصیلات کے مطابق معروف فرانسیسی اخبار ’’لی مونڈے ‘‘نے جھوٹ اور پروپیگنڈے کو بے نقاب کردیا۔ اخبار نے لکھا کہ "پاکستان میں فوجی آپریشن نے بھارتی فضائیہ کی کمزوریوں کو ظاہر کردیا ہے، بھارت کے لڑاکا طیاروں بالخصوص رافیل کا تباہ ہونا بھارتی فضائیہ کیلئے شدید شرمندگی اور دھچکا ہے۔"

یہ بھی پڑھیں: خوش قسمت ہیں کہ اللہ نے اپنے بندوں کی خدمت کا موقع دیا، اب ہمارا فرض ہے کہ اللہ کے بندوں کی خدمت کریں، مشکل وقت میں صبر کریں

بھارتی طیاروں کا نقصان

فرانسیسی اخبار نے مزید لکھا کہ "بھارت نے کم از کم 3 لڑاکا طیاروں کے نقصان کو تسلیم کر لیا ہے، پاک فضائیہ کے ہاتھوں تباہ ہونے والے بھارتی لڑاکا طیاروں میں رافیل بھی شامل ہے۔ سیکیورٹی ذرائع نے فرانس کی خبر رساں ایجنسی کو طیاروں کی تباہی کے حوالے سے تصدیق کی ہے۔ بھارت نے اپنی فضائیہ کی استعداد بڑھانے کیلئے 2016ء میں 36 رافیل طیارے تقریباً 8 ارب یورو میں خریدے تھے۔ دسمبر 2024 میں بھارت کے آڈیٹر جنرل کی ایک رپورٹ میں بھارتی فضائیہ کے تکنیکی مسائل اور تربیت پر سنگین سوالات اٹھائے گئے تھے۔"

یہ بھی پڑھیں: لاہور کے 3200 صحافیوں کو پلاٹس دینے میں بڑی پیش رفت

پنجاب میں جنگی تجربات

فرانسیسی اخبار نے یہ بھی لکھا کہ "پاکستانی فضائیہ کے پاس 15 سال انسداد دہشتگردی کی کارروائیوں کی وجہ سے جنگی آپریشنز کا بھارت سے زیادہ تجربہ ہے، پاکستان کے پاس جدید فرانسیسی اور چینی ساختہ لڑاکا طیارے بھارت کے مقابلے کیلئے موجود ہیں۔"

بین الاقوامی میڈیا کی رائے

دفاعی ماہرین نے اس حوالے سے کہا ہے کہ بھارتی فضائیہ کی نااہلی اور بزدلانہ حملے اور شرمندگی پر بین الاقوامی میڈیا نے بھی مہر ثبت کردی ہے۔