سونا آج مزید سستا ہوگیا؛ قیمت میں مسلسل دوسرے دن کمی ریکارڈ

سونے کی قیمتوں میں کمی

کراچی (ڈیلی پاکستان آن لائن) سونے کی عالمی اور مقامی مارکیٹوں میں قیمت آج مسلسل دوسرے دن کم ہو گئی۔

یہ بھی پڑھیں: بھارتی کرکٹ بورڈ نے آئی پی ایل کھیلنے والے آسٹریلوی کرکٹر گلین میکسویل کو بھاری جرمانہ کر دیا

بین الاقوامی بلین مارکیٹ کی صورتحال

پاک بھارت کشیدگی برقرار رہنے سے بین الاقوامی بلین مارکیٹ میں فی اونس سونے کی قیمت مزید 18 ڈالر کم ہو گئی، جس کے نتیجے میں نئی عالمی قیمت 3 ہزار 325 ڈالر کی سطح پر آ گئی۔

یہ بھی پڑھیں: پی ایس ایل مینجمنٹ نے 11ویں ایڈیشن کیلئے شیڈول فائنل کرلیا

مقامی مارکیٹ میں تبدیلیاں

دوسری جانب مقامی صرافہ مارکیٹوں میں بھی جمعہ کے روز 24 قیراط کے حامل فی تولہ سونے کی قیمت ایک ہزار 800 روپے کی کمی سے 3 لاکھ 50 ہزار 900 روپے کی سطح پر آگئی۔ اس طرح ملک میں فی 10 گرام سونے کی قیمت ایک ہزار 543 روپے گھٹ کر 3 لاکھ 840 روپے کی سطح پر آگئی ہے.

چاندی کی قیمتوں کی صورتحال

سونے کی قیمتوں میں کمی کے برعکس فی تولہ چاندی کی قیمت بغیر کسی تبدیلی کے 3 ہزار 417 روپے اور فی 10 گرام چاندی کی قیمت بھی بغیر کسی تبدیلی کے 2 ہزار 929 روپے کی سطح پر مستحکم رہی۔