مودی حکومت نے بھارتی عسکری تجزیہ کار کی ویڈیو بھی بلاک کردی،’’ آپریشن سندور ‘‘کے حوالے سے کیا انکشاف کیا تھا ۔۔؟تفصیلات جانیے

مودی حکومت نے ویڈیو بلاک کر دی

نئی دہلی (مانیٹرنگ ڈیسک): مودی حکومت نے بھارتی عسکری تجزیہ کار کی ویڈیو بھی بلاک کردی، جس میں انہوں نے "آپریشن سندور" کے حوالے سے اہم انکشافات کیے تھے۔

یہ بھی پڑھیں: دنیا زراعت میں آگے نکل گئی، ہم قوم کا قیمتی وقت ضائع کرتے رہے: وزیراعظم

حکومت کی جانب سے پابندی

"جنگ" کے مطابق، نریندر مودی حکومت نے بھارت کے نامور صحافی اور عسکری تجزیہ کار پراوین سواہنی کی تیار کردہ 11 منٹ کی ویڈیو بھی بلاک کر دی ہے۔ فورس میگزین کے ایڈیٹر پراوین سواہنی نے یہ ویڈیو "آپریشن سندور" پر بنائی تھی، جس میں انہوں نے تصدیق کی کہ پاکستان نے بھارت کے 4 جنگی جہاز تباہ کیے۔ اُن کا کہنا تھا کہ "پاکستان اور بھارت کے درمیان ایک کرائسس سچویشن ہے لیکن جنگ نہیں ہے، ایسے میں نریندر مودی حکومت اگر معقول اور باشعور لوگوں کی آوازیں بھی بند کر رہی ہے تو یقیناً کچھ گڑبڑ ہے۔"

ہوشربا انکشافات

پابندی کی وجہ کرن تھاپر کے پروگرام میں سابق بھارتی فوجی آفیسر پراوین سواہنی کے ہوشربا انکشافات تھے۔ پراوین سواہنی نے یہ بھی کہا کہ "بھارت پاک فضائیہ کے ہاتھوں اپنے جیٹ طیاروں کے گرانے کی خبر جھٹلا نہیں سکا، 2019ء میں بھارتی فوج نے اپنے میزائل سے اپنے ہی ہیلی کاپٹر کو تباہ کردیا تھا۔ بھارت میں انتخابات کی وجہ سے اس واقعے کو چھپایا گیا تھا، انتخابات کے بعد بھارتی فضائیہ نے 6 ہلاکتوں کو تسلیم کیا تھا، جبکہ حالیہ نقصانات کو بھی مخصوص سیاسی مقاصد کے طور پر چھپایا جا رہا ہے۔ حالیہ نقصانات کو کسی مناسب پروقت سامنے لایا جائے گا۔"