نور خان ایئر بیس چکلالہ کے قریب حملے کی کوشش کو ناکام بنا دیا گیا

حملہ کی کوشش ناکام

چکلالہ (ڈیلی پاکستان آن لائن) بھارت کی جانب سے نور خان ایئر بیس چکلالہ کے قریب حملہ کی کوشش کو ناکام بنا دیا گیا ہے۔

یہ بھی پڑھیں: تھوکنے، کوڑا پھینکنے پر 10 ہزار روپے جرمانہ: پنجاب حکومت کا بڑا فیصلہ

سیکیورٹی ذرائع کا بیان

سیکیورٹی ذرائع کا کہنا ہے کہ بھارت کی جانب سے نور خان ایئر بیس چکلالہ کے قریب حملہ کی کوشش ناکام بنادی گئی ہے۔ "جیو نیوز" کے مطابق اس سے قبل جڑواں شہروں میں دھماکوں کی آوازیں بھی سنی گئیں۔

ڈرون کی پرواز کا تذکرہ

سیکیورٹی ذرائع نے واضح کیا کہ لاہور شہر میں کسی ڈرون کی پرواز نہیں ہوئی اور کوئی دھماکہ نہیں ہوا۔ بھارتی ڈرون شیخوپورہ کے سرحدی گاؤں جے سنگھ والا میں مار گرایا گیا، جس کے نتیجے میں دھماکے کے بعد فصلوں کی باقیات کو آگ لگ گئی۔ ڈرون گرنے سے کوئی جانی یا مالی نقصان نہیں ہوا، فائر بریگیڈ کے عملے نے آگ پر قابو پالیا ہے۔