دنیا کہہ رہی ہے بھارتی ملٹری اسسمنٹ ناکام ثابت ہوئی : خواجہ آصف

وزیر دفاع کی اہم گفتگو

اسلام آباد (ڈیلی پاکستان آن لائن) وزیر دفاع خواجہ محمد آصف نے کہا ہے کہ دنیا کہہ رہی ہے کہ بھارتی ملٹری اسسمنٹ ناکام ثابت ہوئی ہے۔ بھارت کے طاقت کا غرور خاک میں مل گیا ہے، نئی دہلی شاید ہم سے اس جواب کی توقع نہیں کررہا تھا۔

یہ بھی پڑھیں: بلوچستان میں دھماکہ، دو افراد جاں بحق

تبادلہ خیال کے اہم نکات

’’جیو نیوز‘‘ سے گفتگو میں خواجہ آصف نے کہا کہ ہماری بات چیت میں سندھ طاس معاہدہ، کشمیر اور دہشت گردی کا مسئلہ زیر غور ہوگا۔ بھارت کو جو خوش فہمی ہوگئی تھی، اب بھارت ضرور اس پر نظرثانی کرے گا۔ ان کا خیال تھا کہ پاکستان کو رگڑا دے کر شاید اپنی شرائط پر لائیں گے۔ ہم بار بار بھارت کو پہلگام واقعے کی تحقیقات اور ثبوت دینے کا کہتے رہے۔

یہ بھی پڑھیں: راولپنڈی: قربانی کے جانور چوری کرنے والے 3 ملزمان گرفتار، بکرے برآمد

پاکستان کی مضبوطی اور بین الاقوامی حمایت

خواجہ آصف نے یہ بھی کہا کہ دنیا کہہ رہی ہے کہ بھارت کی ملٹری اسسمنٹ ناکام ثابت ہوئی، پاکستان اس سارے عمل میں مضبوط ثابت ہوا۔ پہلگام واقعے کی تحقیقات پر سارے ممالک ہمارے موقف کی حمایت کررہے تھے، ان ممالک کے تجارتی تعلقات بھارت سے زیادہ ہیں۔ آذربائیجان، ترکیہ، چین نے واضح طور پر پاکستان کا ساتھ دیا، دیگر برادر ممالک نے بھی پاکستان کے لیے کردار ادا کیا۔

امن کی راہ کا انتخاب

ہم جنگ کا مومنٹیم بڑھا سکتے تھے لیکن ہم نے جنگ کو بریک لگانے والے آپشن سامنے رکھے۔ بات چیت چلے گی تو اس سے راستے نکلیں گے۔ بھارت اس بات چیت کو صرف اپنے لیے استعمال نہ کرے بلکہ خطے کےلیے استعمال کرے۔