پاک فضائیہ کے ہاتھوں تباہ رافیل طیاروں کے بھارتی پائلٹس دراصل کس طرح اپنی جان بچانے میں کامیاب ہوئے ؟ تہلکہ خیز دعویٰ

بھارتی طیاروں کی تباہی کی اطلاعات

کراچی (ویب ڈیسک) پاکستان کے ہاتھوں بھارتی طیاروں کی تباہی کی اطلاعات ہیں لیکن پائلٹوں کی ہلاکت کے بارے میں کچھ معلوم نہیں ہوسکا۔

یہ بھی پڑھیں: بھارت کو خبردار کر رہی ہوں، فالس فلیگ کی آڑ میں مہم جوئی کا انجام خطرناک ہوگا: عظمٰی بخاری

شرجیل انعام میمن کا بیان

سندھ کے سینئر وزیر سندھ شرجیل انعام میمن نے اپنے بیان میں کہا ہے کہ برطانوی ایجیکشن سسٹم کی وجہ سے بھارتی پائلٹ بچ نکلنے میں کامیاب ہوسکے۔ تاہم اس دعوے کی آزادانہ یا سرکاری طورپر تصدیق نہیں ہوسکی۔

یہ بھی پڑھیں: چند ہی گھنٹوں کے اندر دنیا کے امیر ترین افراد کی دولت میں ریکارڈ اضافہ

پاکستانی دفاعی نظام کی کامیابی

شرجیل انعام میمن نے کہا کہ 6 اور 7 مئی 2025 کو پاکستانی دفاعی نظام نے بھارتی فضائیہ کے 3 رافیل طیارے مار گرائے، جن کے پائلٹس کی جان برطانوی کمپنی مارٹن بیکر کے ایجیکشن سسٹم کے ذریعے بچائی گئی۔

انہوں نے بتایا کہ بھارتی رافیل طیارے مارٹن بیکر ایم کے 16 ایجیکشن سیٹ استعمال کرتے ہیں۔ برطانوی کمپنی مارٹن بیکر ہر اس پائلٹ کا ریکارڈ رکھتی ہے جس کی جان اس کی ٹیکنالوجی کی بدولت بچی ہو اور یہ معلومات وہ اپنے ایکس اکاؤنٹ پر شائع کرتی ہے۔

بچنے والے پائلٹس کی تعداد

ایکسپریس کے مطابق، شرجیل میمن نے بتایا کہ کمپنی نے حال ہی میں بچائے گئے پائلٹس کی تعداد 7,784 سے بڑھا کر 7,788 کی ہے۔ بچ جانے والے 4 نئے پائلٹس میں ایک تو امریکی نیوی کے سپر ہورنیٹ طیارے کی بحیرہ احمر میں تباہی سے متعلق ہے۔ انہوں نے تفصیل بتاتے ہوئے مزید کہا کہ باقی بچ جانے والے 3 پائلٹس بھارتی رافیل طیاروں کے پائلٹس تھے، جو واضح طور پر پاکستان کے ہاتھوں 6 اور 7 مئی 2025 کو مار گرائے گئے۔