پاک بھارت جنگ بندی معاہدے میں مارکو روبیو اور جے ڈی وینس نے واضح فرق ڈالا: امریکہ

امریکہ کا پاکستان بھارت جنگ بندی معاہدے میں کردار

واشنگٹن (ڈیلی پاکستان آن لائن) امریکہ کا کہنا ہے کہ پاکستان بھارت جنگ بندی معاہدے میں وزیر خارجہ مارکو روبیو اور نائب صدر جے ڈی وینس نے واضح فرق ڈالا ہے۔

یہ بھی پڑھیں: قلات اور گردونواح میں زلزلے کے جھٹکے

امریکی محکمہ خارجہ کی ترجمان کا بیان

نجی ٹی وی جیو نیوز کے مطابق امریکی محکمہ خارجہ کی ترجمان ٹیمی بروس نے کہا ہے کہ پاکستان بھارت جنگ بندی معاہدے میں مارکو روبیو اور جے ڈی وینس نے واضح فرق ڈالا، یہ امریکی حکومت کی جانب سے صدر ٹرمپ کے وژن اور بصیرت پر عمل درآمد کا نتیجہ ہے۔

یہ بھی پڑھیں: بشری بی بی کو جیل میں کتنی سہولیات میسر؟ رپورٹ عدالت میں جمع

ٹیلی فونک رابطے اور مزید بات چیت کی امید

ٹیمی بروس کا کہنا تھا کہ دونوں ممالک کے وزرائے اعظم سمیت کئی اعلیٰ حکام سے کئی مرتبہ ٹیلی فونک رابطے ہوئے۔ ترجمان امریکی محکمہ خارجہ نے کہا کہ ہم مزید رابطوں کو ممکن بنانے کے لئے پ±رامید ہیں، امید ہے مزید بات چیت موثر طریقے سے آگے بڑھا سکیں اور یہ سلسلہ جاری رہے گا۔

یہ بھی پڑھیں: راولپنڈی اور جہلم میں موسلادھار بارش، مختلف واقعات میں تین افراد جاں بحق

ڈونلڈ ٹرمپ کا بیان

خیال رہے کہ گزشتہ روز امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اپنے بیان میں کہا کہ پاکستان اور بھارت جنگ بندی پر متفق ہوگئے۔ اپنے سوشل میڈیا اکاو¿نٹ پر جاری بیان میں امریکی صدر ڈونلڈ ٹرمپ کا کہنا تھا کہ امریکہ کی ثالثی میں بھارت اور پاکستان فوری جنگ بندی پر متفق ہوگئے ہیں۔

جنگ بندی کی شرائط

امریکی صدر کا کہنا تھا کہ بھارت اور پاکستان نے مکمل اور فوری جنگ بندی پر رضامندی ظاہر کردی ہے۔