آپریشن ”بنیان مرصوص“ کی تاریخی کامیابی پر ملک بھر میں یوم تشکر

یوم تشکر کا اعلان

اسلام آباد (ڈیلی پاکستان آن لائن) آپریشن ”بنیان مرصوص“ کی شاندار کامیابی پر ملک بھر میں یوم تشکر منایا جا رہا ہے۔

یہ بھی پڑھیں: چیمپئنز ٹرافی پر پاکستان کے 3 سالہ فیوژن ماڈل کو کل آئی سی سی سے منظوری ملنے کا امکان

ملک بھر میں جشن

نجی ٹی وی دنیا نیوز کے مطابق بھارت کے خلاف کامیابی پر جیت کا جشن منانے کے لیے لاہور، اسلام آباد، کراچی، پشاور، کوئٹہ سمیت ملک کے مختلف شہروں میں لوگوں کی بڑی تعداد پرچم تھامے سڑکوں پر نکل آئی۔ اس موقع پر پاک فوج سے بھرپور یکجہتی کا اظہار کیا گیا۔ دشمن کو تاریخی شکست دینے پر پوری قوم کا جذبہ دیدنی ہے، کراچی سے کشمیر تک ”پاک فوج زندہ باد“ کے نعرے بلند کیے جا رہے ہیں۔

یہ بھی پڑھیں: ارباز خان کا نوجوان لڑکی کے سوال پر دلچسپ جواب: ‘میں سلمان خان سے شادی کرنا چاہتی ہوں’!

ریلیوں کا انعقاد

پاک افواج اور قوم کے حوصلے کو خراج تحسین پیش کرنے کے لیے ملک بھر میں ریلیوں کا انعقاد کیا گیا، جہاں عوام نے پاک فوج کے ساتھ کھڑے رہنے کا عزم کیا۔

یہ بھی پڑھیں: فٹبال میچ میں مداحوں کو تفریح فراہم کرنے کیلئے سٹیڈیم جانے والی فحش اداکارہ کو سیکیورٹی نے باہر نکال دیا

مختلف شہروں میں سرگرمیاں

کندھ کوٹ، کشمور، فیصل آباد، جھنگ، گوجرانوالہ، رینالہ خورد، چنیوٹ، وہاڑی اور قصور میں "پاکستان ہمیشہ زندہ باد" ریلیاں نکالی جا رہی ہیں۔ سوات، مہمند، نوشہرہ اور قلعہ بالاحصار میں بھی عوام کی بڑی تعداد نے مسلح افواج کو خراج تحسین پیش کیا اور مٹھائیاں تقسیم کی گئیں۔

یہ بھی پڑھیں: بلوچستان میں کسی بڑے فوجی آپریشن کی ضرورت نہیں: سرفراز بگٹی

مظاہرہ اور نعرے

مظفر آباد میں بھی جماعت اسلامی کے زیراہتمام مظاہرہ کیا گیا جس میں شرکاء نے "کشمیر بنے گا پاکستان" کے نعرے لگائے۔

وزیراعظم کا پیغام

واضح رہے کہ گزشتہ روز بھارتی جارحیت کا منہ توڑ جواب دینے اور آپریشن بنیان مرصوص کی شاندار کامیابی پر وزیراعظم شہباز شریف نے آج ملک بھر میں یوم تشکر منانے کا اعلان کیا تھا۔ وزیراعظم شہباز شریف نے کہا کہ یہ دن اللہ رب العزت کے حضور سجدہ شکر بجا لانے، افواج پاکستان کی بے مثال بہادری کو خراج تحسین پیش کرنے اور پوری قوم کے حوصلے اور وحدت کو سراہنے کے لیے منایا جا رہا ہے۔