چین کے نئے لڑاکا طیاروں کی فوٹیج لیک ہو گئی، دیکھ کر ہی دشمنوں کی نیندیں اڑ جائیں

لاہور(ڈیلی پاکستان آن لائن) کسی بھی جنگ میں 'سرپرائز فیکٹر' سب سے اہم جنگی حربہ سمجھا جاتا ہے۔ اس کا مقصد یہ ہے کہ جب آپ کے دشمن پر حملہ ہو تو وہ ہکا بکا رہ جائے، اور اس صورتحال کی گرفت میں آنے میں وقت لگے۔ اگر ہم پاک بھارت جنگ کا ذکر کریں، تو بھارت کے لیے چینی ساختہ 'جے 10سی' ایک بڑا سرپرائز ثابت ہوا، جس کے نتیجے میں پاکستان نے اپنے رافیل طیارے سمیت پانچ جنگی جہاز کو مار گرایا۔

چین کی جنگی حکمت عملی اور اس کی فوجی ساز و سامان کی بات کی جائے تو دنیا جانتی ہے کہ چین اپنی اسٹریٹیجک ٹیکنالوجی کو ہمیشہ خفیہ رکھتا ہے تاکہ وہ اپنے دشمن کو بڑا سرپرائز دے سکے۔ حال ہی میں سوشل میڈیا پر چین کے تین انجنوں والے خفیہ J-36 اسٹیلتھ فائٹر کی نئی ویڈیو سامنے آئی ہے، جس میں اسے ہائی وے کے اوپر کم بلندی پر پرواز کرتے اور بھاری لینڈنگ گئیر کے ساتھ دیکھا جا سکتا ہے۔

اس طیارے میں "ڈورسل DSI انٹیک" اور افواہوں کے مطابق "سپلنٹر کیمو" بھی شامل ہے۔ یہ ویڈیو چینگدو ایئرکرافٹ کارپوریشن کے ایئرفیلڈ کے قریب ایک ہائی وے پر فلمائی گئی ہے، اور یہ طیارے کی سب سے واضح جھلک پیش کرتی ہے۔ ممکنہ طور پر یہ ایک پائلٹ پر مشتمل طیارہ ہے، اگرچہ کچھ تجزیہ کاروں کے مطابق اس میں "سائیڈ بائی سائیڈ" کاک پٹ بھی ہو سکتا ہے۔

???????????? CHINA’S J-36, WINGLESS, STEALTH JET EXPOSED IN AMAZING PICTURE

New footage of China’s three-engine J-36 stealth fighter just dropped—low flyover, heavy-duty landing gear, dorsal DSI intake, and rumored “splinter camo.”

Filmed over a highway near Chengdu Aircraft… https://t.co/0EuCMj6iTq pic.twitter.com/wIydllfqQH

— Mario Nawfal (@MarioNawfal) April 8, 2025

اب یہ طیارہ باقاعدگی سے پروازیں کر رہا ہے، اور ایئر فیلڈ پر ایسے شیلٹرز بھی بنائے گئے ہیں جو پرواز سے پہلے کی تیاریوں کو چھپا سکیں۔ صرف تین انجنوں کا ہونا ہی اس بات کا اشارہ ہے کہ چین فضائی جنگ کے اصولوں کو بدلنے کے عزم پر گامزن ہے — اور اس منصوبے کی رفتار تیزی سے بڑھ رہی ہے۔

اس کے علاوہ، چین کے اعلیٰ جنگی طیارہ ساز انجینئر اگلی نسل کے اسٹیلتھ جیٹس ڈیزائن کرنے کے لیے DeepSeek نامی اے آئی استعمال کر رہے ہیں — جو نہ صرف مدد کر رہا ہے بلکہ مکمل طور پر "ہوم ورک" خود بھی کر رہا ہے۔ سائنسدان اب اصل کام یعنی ایسے طیارے بنانے پر توجہ دے سکیں گے جو واقعی پرواز کر سکیں۔

چین ایک نئے J-35 ورژن کی تیاری کر رہا ہے جو فضاء اور سمندر دونوں میں لڑنے کی صلاحیت رکھے گا۔ دوسری طرف، چین چھٹی نسل کے اسٹیلتھ طیارے تیار کر رہا ہے جن کے نام J-36 اور J-50 جیسے ہیں — اور ممکنہ طور پر DeepSeek ان کے پیچھے کام کرنے والا ذہن ہے۔