بانی پی ٹی آئی نے جنید اکبر کو پی اے سی کی چیئرمین شپ چھوڑنے کی ہدایت کردی
عمران خان کی ہدایت
اسلام آباد(ڈیلی پاکستان آن لائن) بانی پی ٹی آئی عمران خان نے جنید اکبر کو پی اے سی کی چیئرمین شپ چھوڑنے کی ہدایت کی ہے۔
یہ بھی پڑھیں: چلڈرن ہسپتال کی پارکنگ سے ڈاکٹر کی لاش ملنے کا معاملہ، پولیس کا اہم بیان سامنے آ گیا
تازہ ترین اطلاعات
نجی ٹی وی چینل جیو نیوز کے مطابق ذرائع کا کہنا ہے کہ علیمہ خان نے پی اے سی کی چیئرمین شپ سے متعلق بانی پی ٹی آئی کا پیغام قیادت کو پہنچا دیا۔ بانی پی ٹی آئی نے جنید اکبر کو پی اے سی کی چیئرمین شپ چھوڑنے کی ہدایت کی، اور علیمہ خان نے بانی پی ٹی آئی کا تحریری حکم بیرسٹر گوہر اور سلمان اکرم راجا کو پہنچایا۔
یہ بھی پڑھیں: فرقہ واریت اور شرانگیزی کی کوئی گنجائش نہیں، زیرو ٹالرنس پالیسی پر سختی سے عمل ہو رہا ہے: عظمٰی بخاری
جنید اکبر کی ذمہ داریاں
ذرائع کا کہنا ہے کہ بانی پی ٹی آئی نے ہدایت کی ہے کہ جنید اکبر پارٹی عہدے پر مکمل توجہ دیں، جبکہ جنید اکبر کی جگہ عمر ایوب کو پی اے سی کا چیئرمین بنائے جانے کا امکان ہے۔
جنید اکبر کا ردعمل
جنید اکبر نے کہا کہ بانی پی ٹی آئی جب کہیں گے، پبلک اکاؤنٹس کمیٹی کی چیئرمین شپ چھوڑ دوں گا۔
