بھارت پاکستان کو کمزور نہ جانے، بیٹھ کر بات کرلے تو ان کیلئے بہتر ہوگا، اعزاز چودھری

اعزاز چودھری کا بیان

اسلام آباد (ڈیلی پاکستان آن لائن) سابق سیکرٹری خارجہ اعزاز چودھری نے کہا ہے کہ بھارت پاکستان کو کمزور نہ جانے، بیٹھ کر بات کرلے تو ان کیلئے بہتر ہوگا، بھارت جتنا جلدی سمجھے اس کیلئے اچھا ہے۔

یہ بھی پڑھیں: ارشد خان کے بعد ایک اور چائے والا نے پوری دنیا میں دھوم مچا دی

کشمیر کا مسئلہ

نجی ٹی وی چینل جیو نیوز سے گفتگو کرتے ہوئے اعزاز چودھری نے کہاکہ جموں وکشمیر میں 93 فیصد مسلمان آبادی تھی، گہری سازش کے تحت جموں کشمیر کا علاقہ پاکستان سے لیا گیا، کل کے بعد سے پاکستان نے واضح کردیا کہ اصل مسئلہ کشمیر کا ہے، مسئلہ کشمیر کا حل ضروری ہے۔

یہ بھی پڑھیں: ایک گھنٹہ انٹرنیٹ کی بندش سے آئی ٹی کو کتنے لاکھ ڈالر کا نقصان ہوتا ہے، چیئرمین پاشانے قائمہ کمیٹی میں اعدادوشمار شیئر کردیئے

بھارت کا خوف

ان کا کہناتھا کہ پاکستان کا جواب دیکھ کر بھارت خوفزدہ ہوا۔ بھارت کو کمزور نہ جانے، بیٹھ کر بات کرلے تو ان کیلئے بہتر ہوگا، بھارت جتنا جلدی سمجھے اس کیلئے اچھا ہے۔

امن کی ضرورت

سابق سیکرٹری خارجہ نے کہاکہ امن ایک پراسس ہے، بات چیت سے بہت سے مسائل حل ہو جاتے ہیں۔ بھارت کو مذاکرات کی میز پر آنا چاہئے اور انڈس واٹرٹریٹی کی معطلی کو رول بیک کرنا چاہئے۔ بھارت کو سمجھنا چاہئے کہ کشمیری ان کے ساتھ نہیں رہنا چاہتے۔